AKWAI WASU MATSAYI GUDA 3 A ADDINI, WA'DANDA BABU WATA HANYAR SAMUNSU SAI DAI KAWAI TSANTSAR FALALAR ALLAH MA'DAUKAKI DA ZA'BINSA DA YAKE YI DAGA CIKIN BAYINSA, SABODA SIFFOFI DA YA KE'BANCESU DA SU NA CANCANTAR WANNAN MATSAYIN.
ALLAH YA CE:
{وَأَنَّ الْفَضْلَ بِيَدِ اللَّهِ يُؤْتِيهِ مَنْ يَشَاءُ وَاللَّهُ ذُو الْفَضْلِ الْعَظِيمِ (29) } [الحديد: 29]
"LALLAI FALALA GABA 'DAYA A HANUN ALLAH TAKE, YANA BA DA ITA GA WANDA YA GA DAMA (DAGA CIKIN BAYINSA), ALLAH MA'ABOCIN FALALA CE MAI GIRMA".
WANNAN YA SA ALLAH YA CE WA ANNABI (SAW):
{وَكَانَ فَضْلُ اللَّهِ عَلَيْكَ عَظِيمًا (113) } [النساء: 113]
"FALALAR ALLAH A KANKA TA KASANCE MAI GIRMA".
HAKA KUMA ALLAH YANA MAGANA A KAN NI'IMAR DA YA YI WA SAHABBAN ANNABI (SAW) NA AIKO MANZONSA A CIKINSU DA ZA'BANSU SU ZAMA SAHABBANSA SAI YA CE:
{ذَلِكَ فَضْلُ اللَّهِ يُؤْتِيهِ مَنْ يَشَاءُ وَاللَّهُ ذُو الْفَضْلِ الْعَظِيمِ (4) } [الجمعة: 4، 5]
"WANNAN FALALAR ALLAH CE, YANA BA DA ITA GA WANDA YA GA DAMA (DAGA CIKIN BAYINSA), ALLAH MA'ABOCIN FALALA CE MAI GIRMA".
SABODA IRIN WA'DANNAN AYOYI YA TABBATA CEWA; AKWAI WASU MATSAYI GUDA 3 DAGA CIKIN MATAKAN BAYI A CIKIN ADDINI, WA'DANDA YAWAN AIKIN ALHERI, KO YAWAN IBADA, KO YAWAN ILMI BA YA BAYAR DA SU, KAWAI TSANTSAR FALALAR ALLAH CE TAKE SA ALLAH YA ZA'BI WANDA YA GA DAMA A CIKIN BAYINSA YA BA SHI WANNAN MATSAYI SABODA CANCANTARSA. WA'DANNAN MATSAYI KUWA SU NE KAMAR HAKA:
1- MATSAYIN MANZANCI.
2- MATSAYIN ANNABTA.
3- MATSAYIN SAHIBTAR MANZON ALLAH (SAW), MUTUM YA ZAMA SAHABINSA.
IN KA LURA DA WA'DANNAN MATSAYI GUDA 3, A CIKINSU BABU WANI MATSAYI DA BAWA ZAI IYA NEMANSU TA HANYAR K'OK'ARINSA, DA DAGEWARSA A KAN AIKIN IBADA DA AIYUKAN ALHERI, KO KOKARINSA WAJEN NEMAN ILMI DON YA ISA ZUWA GA WANNAN MATSAYI, A'A, KAWAI ANA SAMUNSU NE DA FALALAR ALLAH DA ZA'BINSA. WANDA ALLAH YA ZA'BA DAGA CIKIN BAYINSA, YA GA DAMAN YA BA SHI WANNAN MATSAYI SABODA YA CANCANCE SHI, SHI NE YAKE SAMUN WANNAN MATSAYI.
DUKA WA'DANNAN MATSAYI GUDA 3 ZA'BI NE NA ALLAH, TA HANYAR KE'BANCE BAWA DA MA'DAUKAKAN SIFFOFI A ADDININ BAWAN DA KUMA HANKALINSA. SABODA KASANCEWAR ALLAH YA SAN CANCANTAR BAWA GA WANNAN MATSAYI TUN CIKIN ILMINSA TUN FARKO. SHI YA SA A GAME DA MANZANCI ALLAH YA CE:
{اللَّهُ أَعْلَمُ حَيْثُ يَجْعَلُ رِسَالَتَهُ } [الأنعام: 124]
"ALLAH YA SAN INDA YAKE SANYA MANZANCINSA".
KUMA YA CE:
{اللَّهُ يَصْطَفِي مِنَ الْمَلَائِكَةِ رُسُلًا وَمِنَ النَّاسِ (75) } [الحج: 75، 76]
"ALLAH YANA ZA'BEN MANZANNI DAGA CIKIN MALA'IKU DA CIKIN MUTANE".
DON HAKA A YAU BABU WANI DA ZAI ZO YA YI KOKIRI NA YAWAN IBADA KO YAWAN AIYUKAN ALHERI, KO NEMAN ILMI DA ZA SU SA YA ZAMA MANZON ALLAH KO ANNABI KO SAHABI.
SHI YA SA TUN DA ANNABI (SAW) YA RASU BA A TA'BA JIN WANI YA ZAMA MANZO KO ANNABI KO SAHABI BA, SABODA DA MA ZA'BIN ALLAH NE A BISA CANCANTA, DUK WANDA ALLAH YA ZA'BE SHI DON SAMUN WANNAN MATSAYI NA SAHABI TO ALLAH YA HALICCE SHI A WANCAN LOKACIN, KUMA YA ZAMA SAHABIN, KUMA AN GAMA, MAGANA TA K'ARE.
AMMA KA GA SAURAN MATSAYI A ADDINI, KAMAR MATSAYIN WALITTAKA KO IMAMANCI, ANA SAMUNSU NE TA HANYAR GIRMAN IMANI DA YAWAN ILMI NA YAQINI DA YAWAN IBADA DA JIN TSORON ALLAH DA YAWAN AIYUKAN ALHERI DA BAUTAR ALLAH, SHI YA SA A YAU KOWA ZAI IYA YIN KOKARI HAR YA ZAMA WALIYYI, KO IMAMI.
1- MATSAYIN WALITTAKA:
ANA SAMUN WANNAN MATSAYI NE TA HANYAR IMANI DA ALLAH DA JIN TSORONSA. ALLAH YA CE:
{أَلَا إِنَّ أَوْلِيَاءَ اللَّهِ لَا خَوْفٌ عَلَيْهِمْ وَلَا هُمْ يَحْزَنُونَ (62) الَّذِينَ آمَنُوا وَكَانُوا يَتَّقُونَ (63)} [يونس: 62، 63]
"KU SAURARA! LALLAI WALIYYAN ALLAH BABU TSORO A TARE DA SU, KUMA BA ZA SU YI BAK'IN CIKI BA. SU NE WA'DANDA SUKA YI IMANI SUKA KASANCE MASU TAQWA (JIN TSORON ALLAH A AIKACE)".
2- MATSAYIN IMAMANCI A ADDINI:
ANA SAMUN WANNAN MATSAYI NE TA HANYAR INGANTACCEN ILMIN ADDINI MAI GADAR DA IMANI DA YAK'INI DA JIN TSORON ALLAH DA KUMA CIKAKKEN HAK'URI A KAN 'DA'A MA ALLAH DA HAK'URI DA MU'AMALA DA BAYIN ALLAH.
ALLAH YA CE:
{وَجَعَلْنَا مِنْهُمْ أَئِمَّةً يَهْدُونَ بِأَمْرِنَا لَمَّا صَبَرُوا وَكَانُوا بِآيَاتِنَا يُوقِنُونَ (24) } [السجدة: 24، 25]
"KUMA MUN SANYA IMAMAI DAGA CIKINSU, WA'DANDA SUKE SHIRYUWA DA UMURNINMU, SABODA SUN YI HAK'URI, KUMA SUN KASANCE SUNA DA ILMIN YAQINI GAME DA AYOYINMU (ILMI MAI SAMAR DA CIKAKKEN IMANI DA TSORON ALLAH)".
IRIN WA'DANNAN MATSAYI, SU ANA IYA SAMUNSU TA HANYAR AIKATA KYAWAWAN AIYUKA, DA KOKARIN NEMAN ILMI MAI GADAR DA YAK'INI DA IMANI, SHI YA SA A YAU MUTUM ZAI IYA KOKARI HAR YA ZAMA WALIYYI KO IMAMI, AMMA BAN DA MATSAYIN SAHABI, TUN BAYAN ZAMANIN ANNABI (SAW) BABU WANDA YA ISA YA KAI WANNAN MATSAYI.
* WANNAN YA SA, IN AN CE ALLAH YA GAFARTA WA SAHABBAI DUKKAN LAIFUKA DA ZUNUBAI DA SUKA AIKATA BA ABIN MAMAKI BA NE, SABODA SU BAYI NE NA ALLAH DA YA ZA'BESU YA BA SU WANNAN MATSAYI SABODA CANCANTARSU GARE SHI, SABODA MATSAYI NE NA TSANTSAR FALALAR ALLAH DA YARDASA GA MASU SHI - BA MATSAYI NE DA AKE NEMA DA HIMMA DA KOKARI BA - SHI YA SA YA YARDA DA SU, YA GAFARTA MUSU DUKKAN LAIFUKA DA ZUBANSU, YA TANADA MUSU ALJANNA DA LADA MAI GIRMA. ALLAH YA CE:
مُحَمَّدٌ رَسُولُ اللَّهِ وَالَّذِينَ مَعَهُ أَشِدَّاءُ عَلَى الْكُفَّارِ رُحَمَاءُ بَيْنَهُمْ ..... وَعَدَ اللَّهُ الَّذِينَ آمَنُوا وَعَمِلُوا الصَّالِحَاتِ مِنْهُمْ مَغْفِرَةً وَأَجْرًا عَظِيمًا (29)
"MUHAMMADU MANZON ALLAH NE, WA'DANDA SUKE TARE DA SHI SUNA DA TSANANI WA KAFIRAI, SUNA DA TAUSAYIN JUNA A TSAKANINSU …
ALLAH YA YI ALK'AWARIN GAFARA DA LADA MAI GIRMA (ALJANNA) GA SAHABBAI, WA'DANDA SUKA YI IMANI DA KYAWAWAN AIYUKA".
KAMAR YADDA ALLAH YA GAFARTA WA ANNABAWANSA DA MANZANNINSA, ALLAH YA CE GAME DA ANNABI (SAW):
{لِيَغْفِرَ لَكَ اللَّهُ مَا تَقَدَّمَ مِنْ ذَنْبِكَ وَمَا تَأَخَّرَ } [الفتح: 2]
"DON ALLAH YA GAFARTA MAKA ABIN DA YA GABATA A BAYA NA ZUNUBANKA, DA WANDA ZAI ZO A GABA".
DON HAKA SAHABBAN ANNABI (SAW) ALLAH YA GAFARTA MUSU DUKKAN LAIFUKA DA ZUNUBANSU SABODA MATSAYIN DA YA ZA'BESU YA BA SU, SABODA SANINSA GA CANCANTARSU GA WANNAN MATSAYIN TUN CIKIN ILMINSA NA FARKO.
SABODA HAKA, LAIFUKA DA ZUNUBANSU DA RAFIDHA 'YAN SHI'A SUKE MAGANA A KAI, DUKA BA SHI DA WANI TASIRI A KANSU, SABODA TUN TUNI ALLAH YA GAFARTA MUSU, SABODA WANNAN MATSAYI DA YA ZA'BESU YA BASU, NA SAHIBTAR MANZONSA (SAW), A BISA ILMINSA TUN FARKO.
SABODA HAKA, IN KA GA MUTUM YA TSAYA YANA JAYAYYA A KAN LAIFUKAN SAHABBAI, TO BAI SAN GIRMAN FALALAR ALLAH BA NE.
No comments:
Post a Comment