TUN ZAMANIN MAGABATA, ZAGIN SAHABIN MANZON ALLAH (SAW) MU'AWIYA (RA) YANA DAGA CIKIN MANYAN ALAMOMI DA AKE GANE 'DAN SHI'A MAI AQIDAR RAFIDHANCI, SABODA DUK WANDA YA ZAGI MU'AWIYA (RA) TO SAI YA FARA AIBANTA SAURAN SAHABBAI, HAR YA KAI GA ABUBAKAR (RA) DA UMAR (RA).
WANNAN YA SA MAGABATA SUKE SIFFANTA MU'AWIYA (RA) DA MAKARI GA SAURAN SAHABBAI, SABODA ZAGINSA SHI NE MAFARIN ZAGIN SAURAN SAHABBAI, DA INKARIN KHALIFANCIN SU ABUBAKAR (RA) DA UMAR (RA) DA USMAN (RA), DAGA NAN KUMA MUTUM YA ZAMA RIK'AK'K'EN RAFIDHI 'DAN SHI'A.
AL- KHA'DIBUL BAGDADIY, DA IBNU ASAKIR SUN RUWAITO DAGA:
عثمان بن سعيد، قال: سمعت الربيع بن نافع، يقول: معاوية بن أبي سفيان ستر أصحاب رسول الله صلى الله عليه وسلم فإذا كشف الرجل الستر اجترئ على ما وراءه.
USMAN BN SA'EED YA CE: NA JI RABI'EE BN NAFI'U YANA CEWA:
"MU'AWIYA 'DAN ABU SUFYAN (RA) SUTURA (LABULE) NE GA SAHABBAN MANZON ALLAH (SAW), IDAN MUTUM YA YAYE LABULEN TO ZAI AFKA KAN ABIN DA YAKE BAYAN LABULEN".
DUBA TARIKHU BAGDAD 1/ 577, DA TARIKHU DIMASHQ 59/ 209.
SABODA HAKA NE MU'AWIYA (RA) YA ZAMA BABBAN ABIN JARABAWA NA SANIN TA'BEWAN MUTUM, DA SANIN JIRGIN DA YA 'DAUKO SHI, JIRGIN SUNNA NE KO KUMA JIRGIR RAFIDHA 'YAN SHI'A MAK'IYA WALIYYAN ALLAH?
IBNU ASAKIR YA RUWAITO DAGA:
عبد الله بن المبارك يقول معاوية عندنا محنة فمن رأيناه ينظر إلى معاوية شزرا اتهمناه على القوم أعني على أصحاب محمد صلى الله عليه وسلم
ABDULLAHI BN MUBARAK YA CE:
"MU'AWIYA (RA) A WAJENMU ABIN JARABA MUTANE NE, DUK WANDA MUKA GANSHI YANA KALLON HARARA GA MU'AWIYA (RA) ZA MU TUHUME SHI YANA DA MUNGUN NUFI A KAN WA'DANNAN MUTANE, INA NUFIN SAHABBAN ANNABI MUHAMMAD (SAW)".
DUBA TARIKHU DIMASHQ 59/ 209.
A TAK'AICE DAI, DUK WANDA AKA GA YANA ZUNGURAN MU'AWIRA (RA), YANA AIBANTA SHI, TO SHI RAFIDHI NE 'DAN SHI'A, KUMA TARE DA SANIN CEWA; DUK MAI AIBANTA WANI SAHABI DAGA CIKIN SAHABBAI, TO AIKIN BANZA YAKE YI MA KANSA, A LOKACI GUDA KUMA AIKIN ALHERI YAKE YI WA SU SAHABBAN, SABODA ALLAH YANA BA SU SAKAMAKO NA KYAWAWAN AIYUKA A DALILIN ZAGIN NASU, SHI KUMA MAI ZAGIN SHI YA YI ASARA.
IMAMUL AJURRIY YA RUWAITO A CIKIN "AL- SHARI'A" DAGA:
عن هشام بن عروة , عن أبيه قال: قلت لعائشة رحمها الله: إني أسمع ناسا يتناولون أصحاب محمد صلى الله عليه وسلم فقالت: يا بني , إن أصحاب محمد صلى الله عليه وسلم كانوا مع رسول الله صلى الله عليه وسلم , وكان الله عز وجل يجري لهم أجورهم , فلما قبضهم الله عز وجل أحب أن يجري ذلك الأجر لهم
HISHAM BN URWA, DAGA BABANSA, YA CE:
"NA CE MA A'ISHA (RA): LALLAI INA JIN WASU MUTANE SUNA MUNANAN MAGANA A KAN SAHABBAN ANNABI MUHAMMAD (SAW), SAI TA CE:
"YA KAI 'DANA, LALLAI SAHABBAN ANNABI MUHAMMAD (SAW) SUN KASANCE SUNA TARE DA MANZON ALLAH (SAW), ALLAH MAI GIRMA DA BUWAYA YANA RUBUTA MUSU LADAN AIYUKANSU, SA'ANNAN A LOKACIN DA ALLAH MAI GIRMA DA BUWAYA YA 'DAUKI RAYUKANSU, SAI YA SO YA CIGABA DA RUBUTA MUSU LADAN NASU".
DON HAKA ZAGIN SAHABBAI DA RAFIDHA 'YAN SHI'A SUKE YI, KAWAI BA WANI ABU BA NE, ALHERI NE GA SU SAHABBAN, SHARRI KUMA GA SU 'YAN SHI'A.
SA'ANNAN KUMA DUK WANDA KA GA YANA AIBANTA MU'AWIYA (RA) KO WANI DAGA CIKIN SAHABBAI, TO RIK'AK'K'EN 'DAN SHI'A NE, KO DA YA FAKE DA SUNAN WATA 'DARIQA TA SUFAYE, TIJJANIYYA KO QADIRIYYA.
AMMA ABIN DA KOWA YA SANI SHI NE, 'DARIQUN SUFAYE SUN KU'BUTA DAGA ZAGIN SAHABBAI, BARE KUMA SU K'ULLA AQIDAR SHI'ANCI A CIKIN ZUKATANSU.
ALLAH YA YI MANA TSARI DA TA'BEWA.
No comments:
Post a Comment