INA NEMAN GAMSASSHIYAR AMSA (2)

HAK'IK'A KOWA YA SAN CEWA; SAYYIDINA HASAN BN ALIYU (RA) YA JANYE KHALIFANCI WA MU'AWIYA (RA), KUMA YA NEMI SULHU DA ZAMAN LAFIYA DA SHI, ALHALI A LOKACIN MAGOYA BAYANSA DA SOJOJINSA SUNA DA MATUK'AR YAWA DA K'ARFIN DA ZAI SA YA IYA CIGABA DA YAK'I.

A TA 'DAYA GEFEN KUMA, SAI GA NAN 'DAN UWANSA SAYYIDINA HUSAINI (RA) YA YI TAWAYE GA SHUGABA YAZIDU 'DAN MU'AWIYA, ALHALI A LOKACIN MUTANE 'YAN KA'DAN NE A TARE DA SHI, KUMA A LOKACIN YANA DA DAMAR YA NEMI SULHU DA ZAMAN LAFIYA DA SHI SHUGABA YAZIDUN.

TO, LALLAI WANNAN LAMARI NE MAI MATUK'AR RIKITARWA DA 'DAURE KAI, DON DOLE A CIKIN SU 2 A SAMU WANDA YA YI DADAI, DA KUMA WANDA YA KAUCE HANYA. SABODA IN JANYEWA DA SULHUN DA SAYYIDINA HASAN (RA) YA YI, - DUK DA K'ARFIN SOJI DA YAKE DA SHI - SHI NE DAIDAI, TO KO SHAKKA BABU TAWAYEN DA SAYYIDINA HUSAINI (RA) YA YI - ALHALI BA SHI DA K'ARFIN SOJI, KUMA YANA DA DAMAR YIN SULHU, AMMA YA K'I YI - WANNAN KUSKURE NE, BA YA KAN HANYA.

IN KUMA TAWAYEN DA SAYYIDINA HUSAINI (RA) YA YI SHI NE DADAI - DUK DA RAUNI DA RASHIN K'ARFIN SOJINSA -, TO LALLAI JANYEWAN DA SAYYIDINA HASAN (RA) YA YI KUSKURE NE, KUMA YA KAUCE HANYA, DON SHI YA FI KAMATA YA YI TAWAYE, SABODA YANA DA RUNDUNAR SOJA MAI K'ARFI KUMA MAI YAWA, AMMA YA K'I YI.

TO WANNAN LAMARI YA SA DOLE MU NEMI BAYANI A WAJEN 'YAN SHI'A!!

IN SUN CE; DUKKANSU 2; SAYYIDINA HASAN DA HUSAINI (RA), DUKA DADAI SUKA AIKATA, TO WANNAN HA'DA ABUBUWA NE GUDA 2, KISHIYOYIN JUNA. A HANKALCE HAKA BA ZAI TA'BA YIWU BA. KUMA WANNAN YA RUSHE MUSU AQIDARSU TA IMAMA.

HAKA IN SUN CE; ABIN DA SAYYIDINA HASAN (RA) YA AIKATA BA DADAI BA NE, YA KAUCE HANYA, TO SHI KENAN DOLE SU YARDA IMAMANCINSA YA 'BACI. KUMA 'BACIN IMAMANCINSA YA 'BATA IMAMANCIN BABANSA DA "ISMARSA", SABODA YA YI WASIYYA YA MIK'A IMAMANCI GA WANDA BAI DACE BA. SABODA IMAMI MA'ASUMI BA YA YIN WASICCI SAI GA IRINSA IMAMI MA'ASUMI KAMAR YADDA YAKE A MAZHABAR SHI'A.

IN KUMA SUKA CE: ABIN DA SAYYIDINA HUSAINI (RA) YA AIKATA SHI NE BA DADAI BA, TO SHI KENAN IMAMANCINSA YA WARWARE, KUMA "ISMARSA" TA 'BACI. KUMA WARWAREWAN IMAMANCINSA DA 'BACIN "ISMARSA" YANA RUSHE IMAMANCIN DUKKANNIN 'YA'YANSA DA ZURRIYARSA, SABODA SHI NE TUSHENSU, TA HANYARSA SUKA SAMU IMAMANCIN, IN NASA IMAMANCIN YA 'BACI TO DOLE NASU YA 'BACI. SABODA A K'A'IDA TA HANKALI; IDAN TUSHE YA RUSHE, TO DOLE RASSANSA MA SU RUSHE!!

*** DON HAKA, IN SAYYIDINA HASAN (RA) NE YA KAUCE HANYA, TO IMAMANCINSA YA 'BACI, HAKA KUMA IMAMANCIN DUKKAN IMAMAN BAYANSA YA 'BACI, DA KUMA NA BABANSA SAYYIDINA ALIYU (RA) MA YA 'BACI, DON SHI YA YI WASIYYA GA WANDA BA MA'ASUMI BA.

IN KUMA SAYYIDINA HUSAINI (RA) NE YA KAUCE HANYA, TO SHI MA IMAMANCINSA YA 'BACI, KUMA KAMAR HAKA IMAMANCI ZURRIYARSA MA YA 'BACI GABA 'DAYA, SABODA SHI NE TUSHENSU.

** DON ALLAH ABOKAN TATTAUNAWA DAGA CIKIN 'YAN SHI'A, JAWABI MAI GAMSARWA KAWAI MUKE BUK'ATA, BA MU BUK'ATAR HAYANIYA DA KAME - KAME, KO ZAGE - ZAGE DA SAURAN ABUBUWAN DA BA SU DACE BA.

** YANA DA KYAU MU KOYI TATTAUNAWA MAI FA'IDA, WACCE ZA TA BA DA NATIJA.

** ALLAH YA SA MU DACE.

TO 'YAN SHI'A GAREKU....