ABUBAKAR (RA) SHI NE NA BIYUN MANZON ALLAH (SAW) A DUKKAN LAMURAN ADDINI DA SHUGABANCI

ALLAH (T) YA SAUKAR DA AYA DA TAKE BAYANIN CEWA; ABUBAKAR (RA) SHI NE NA BIYUN MANZON ALLAH (SAW).
ALLAH YA CE:
{ثَانِيَ اثْنَيْنِ } [التوبة: 40]

"NA BIYUN MUTUM BIYU".

DON HAKA ABUBAKAR (RA) SHI NE NA BIYU A DUKKAN MATSAYI NA ADDINI DA RAYUWA, DAGA MANZON ALLAH (SAW) SAI SHI. WANNAN YA SA SAHABBAI GABA DAYANSU BAKINSU YA HADU WAJEN ZABEN ABUBAKAR (RA) A MASAYIN KHALIFAN MANZON ALLAH (SAW) A BAYANSA (SAW), SABODA ABUBAKAR (RA) SHI NE NA BIYUNSA.

FAKHRUDDEEN AL- RAZIY (R) YA CE:
أنه تعالى سماه ثاني اثنين فجعل ثاني محمد عليه السلام حال كونهما في الغار، والعلماء أثبتوا أنه رضي الله عنه كان ثاني محمد في أكثر المناصب الدينية، فإنه صلى الله عليه وسلم لما أرسل إلى الخلق وعرض الإسلام على أبي بكر آمن أبو بكر، ثم ذهب وعرض الإسلام على طلحة والزبير وعثمان بن عفان وجماعة آخرين من أجلة الصحابة رضي الله تعالى عنهم، والكل آمنوا على يديه، ثم إنه جاء بهم إلى رسول الله صلى الله عليه وسلم بعد أيام قلائل، فكان هو رضي الله عنه ثاني اثنين في الدعوة إلى الله وأيضا كلما وقف رسول الله صلى الله عليه وسلم في غزوة، كان أبو بكر رضي الله عنه يقف في خدمته ولا يفارقه، فكان ثاني اثنين في مجلسه، ولما مرض رسول الله صلى الله عليه وسلم قام مقامه في إمامة الناس في الصلاة فكان ثاني اثنين، ولما توفي دفن بجنبه، فكان ثاني اثنين هناك أيضا
مفاتيح الغيب أو التفسير الكبير(16/ 50 - 51)

"LALLAI ALLAH (T) YA KIRA SAYYIDINA ABUBAKAR (RA) DA SUNAN NA BIYUN MUTUM BIYU, SAI YA SANYA ABUBAKAR (RA) SHI NE NA BIYUN ANNABI MUHAMMAD (AS) A HALIN KASANCEWARSU A CIKIN KOGO. KUMA MALAMAI SUN TABBATAR DA CEWA; LALLAI SHI ABUBAKAR (RA) YA KASANCE NA BIYUN ANNABI MUHAMMAD (SAW) A MAFI YAWAN MUK'AMAI NA ADDINI, SABODA ANNABI (SAW) LOKACIN DA AKA AIKO SHI ZUWA GA MUTANE, KUMA YA BIJIRO DA MUSLUNCI WA ABUBAKAR (RA), KAWAI SAI YA YI IMANI DA SHI, (A WANI K'AULIN SHI NE NA BIYUN ANNABI (SAW) A YIN IMANI).
SAI ABUBAKAR (RA) YA TAFI YA BIJIRAR DA MUSLUNCI WA DALHA, DA ZUBAIR, DA USMAN BN AFFAN DA WASU MUTANEN DABAN DAGA CIKIN MANYAN SAHABBAI (RA), DUKKANSU SUN YI IMANI NE A HANUN ABUBAKAR (RA), SA'ANNAN SAI YA ZO DA SU WAJEN MANZON ALLAH (SAW) BAYAN WASU KWANAKI KA'DAN, SAI ABUBAKAR (RA) YA ZAMA SHI NE NA BIYUN MANZON ALLAH (SAW) A DA'AWA DA KIRA ZUWA GA ALLAH, KUMA DUKKAN GURIN DA ANNABI (SAW) YA TSAYA A WAJEN YAK'I, TO ABUBAKAR (RA) YA KASANCE SHI NE YAKE TSAYUWA TARE DA ANNABI (SAW) YANA YI MASA HIDIMA, BA YA RABUWA DA SHI, SAI YA KASANCE SHI NE NA BIYUN ANNABI (SAW) A MAJALISARSA DA WURAREN ZAMANSA.
HAKA LOKACIN DA MANZON ALLAH (SAW) YA YI RASHIN LAFIYA, ABUBAKAR (RA) SHI YA TSAYA A MATSAYINSA WAJEN JAN MUTANE SALLAH, SAI YA KASANCE SHI NE NA BIYUN ANNABI (SAW) (A JAGORANCIN FARILLAN ADDINI), HAKA A LOKACIN DA ABUBAKAR (RA) YA RASU, SAI AKA BINNE SHI A GEFEN ANNABI (SAW), KUMA DU SAI YA ZAMA SHI NE NA BIYUN MANZON ALLAH (SAW) A WAJEN KWANCIYAN KABARI".

ABUBAKAR (RA) SHI NE NA BIYUN ANNABI (SAW):
1- A KOGO A TAFIYARSU TA HIJIRA.
2- SHI NE NA BIYUN ANNABI (SAW) A YIN IMANI (A BISA WANI K'AULI).
3- SHI NE NA BIYUN ANNABI (SAW) A DA'AWA ZUWA GA ALLAH, DA KIRA ZUWA GA SHIGA MUSLUNCI.
4- SHI NE NA BIYUN ANNABI (SAW) A TARAYYA DA SHI A GURAREN YAK'I DA MAJALISARSA DA WURAREN ZAMANSA.
5- SHI NE NA BIYUN ANNABI (SAW) A JAGORANCIN MUTANEN A FARILLAN ADDINI, KAMAR SALLAH DA JAGORANCIN AIKIN HAJJI.
6- SHI NE NA BIYUN ANNABI (SAW) A WAJEN KWANCIYANSA A KABARI.
7- WANNAN YA SA SHI NE NA BIYUN ANNABI (SAW) A BAYAN RASUWARSA WAJEN JAGORANCIN AL'UMMA, SHI YA SA YA ZAMA KHALIFANSA KUMA MAGAJINSA A JAGORANCIN AL'UMMA A LAMURAN ADDINI DA RAYUWA.

WANNAN YANA DAGA CIKIN ABIN DA YAKE NUNA KHALIFANCIN ABUBAKAR (RA) A BAYAN MANZON ALLAH (SAW) KAI TSAYE BABU MARABA, SABODA SHI NE NA BIYUNSA.