'DAN SHI'A YA CE:
"TO TUN DA MU 'YAN SHI'A MUN RUWAITO "NASSI" A KAN IMAMANCIN ALIY (AS), TO KU 'DAUKI HADISAN NAMU MANA A MASAYIN HADISAN 'DAI'DAIKU (HADISI AHAAD), WA'DANDA KUKE AIKI DA SU A BABIN SHARI'A (FIQHU BA AQIDA BA), KO DA BA KU SAMU YAQINI A KAN INGANCINSU BA, SABODA YIN AIKI DA HADISIN DA SHI'A SUKA RUWAITO NA NASSI A KAN KHALIFANCIN IMAM ALIY (AS) YIN AIKI NE DAGA CIKIN AIYUKAN SHARI'A, DON HAKA SAI KU KAR'BA KU YI AIKI DA SHI?".
BA'ASH'ARE YA CE:
"AI MU MUNA AIKI DA 'DAI'DAIKUN HADISAI NE IDAN SUN KASANCE A BISA WASU SIFFOFI NA MUSAMMAN, IDAN SUKA RABU DA DUKKAN ABIN DA ZAI YI NUNI A KAN 'BACINSU, KO CIN KARO DA WANDA YA FISU INGANCI, KUMA IDAN ADALCIN MARUWAITAN YA TABBATA.
TO AMMA MU BA MU SAN WANI WANDA YAKE RAYA SAMUWAR NASSI A KAN KHALIFANCIN ALIYU (RA) BA, FACE YANA BARRANTA DAGA ABUBAKAR (RA) DA UMAR (RA), DA SAURAN 'YAN MAJALISAR SHURA WA'DANDA SUKA ZA'BI USMAN (RA) A MASAYIN KHALIFA, IN BAN DA ALIYU (RA) KAWAI, KUMA ZA KA SAMU YANA ZAGIN SAHABBAI, YANA CIN MUTUNCINSU, YANA RAYA CEWA; SUN YI RIDDA SUN FITA DAGA MUSLUNCI, HA'DI DA WASU MUNANAN RA'AYOYIN NA DABAN, WA'DANDA MUKE K'YAMAR AMBATONSU.
TO SABODA WA'DANNAN ABUBUWA DA NA AMBATA, SUKA SA MARUWAITAN SHI'A SUKA ZAMA BA ADILAI BA, WA'DANDA BA ZA A KAR'BI RIWAYARSU BA, KUMA BA SU ZAMA AMINTATTUN MUTANE MASU AMANA BA, DA HAR ZA A KAR'BI RIWAYARSU, SABODA SU ADDINI A WAJENSU BA YA INGANTA SAI DA WALA'I DA BARA'I, (MA'ANA: SAI KA MIK'A WILAYA GA ALIYU (RA), KUMA KA BARRANTA DAGA ABUBAKAR (RA) DA UMAR (RA) DA USMAN (RA) DA SAURAN SAHABBAI).
KAI, A CIKINSU AKWAI MA WANDA YAKE HALASTA BA DA SHAIDAR K'ARYA WA 'DAN UWANSA 'DAN SHI'A IN YA YI HUSUMA DA WANDA BA 'DAN SHI'A BA.
ALHALI SHARI'A TA WAJABTA YIN AIKI DA HADISIN 'DAI'DAIKU NE (HADISI AHAAD) IDAN MARUWAICIN YA ZAMA ADALI YARDAJJE, AMMA KUMA IN KA DUBA 'YAN SHI'A MASU RAYA SAMUWAR NASSI A KAN KHALIFANCIN ALIYU (RA) SAI KA GA BA SU DA WANNAR SIFA, BA ADILAI BA NE, BA AMINTATTU YARDAJJU BA NE, HAKA 'DAI'DAIKUN MASU RUWAITO MUSU NASSI, SU MA BA ADILAI BA NE, BA AMINTATTU YARDAJJU BA NE.
KUMA BAYAN WANNAN, AI SU WA'DANNAN HADISAI NAKU, WA'DANDA HADISAI NE NA 'DAI'DAIKU (HADISI AHAAD), WA'DANDA KUKE RAYA CEWA; AKWAI NASSI A KAN KHALIFANCI ALIYU (RA) A CIKINSU, HADISAI NE WA'DANDA SUKA CI KARO DA IJMA'IN MUSULMAN ZAMANIN FARKO A KAN 'BACINSU DA BARIN AIKI DA SU (IN AKWAISU, KAMAR YADDA SHI'A SUKE RAYAWA), SABODA DUKKAN AL'UMMA GABA 'DAYANTA TA MIK'A WUYA TA SALLAMA WA ABUBAKAR (RA), SUN YI ITTIFAQI A KAN WAJABCIN YI MASA 'DA'A, DA ZAMA A K'ARK'ASHIN JAGORANCINSA, KUMA A CIKINSU AKWAI ALIYU (RA), DA ABBAS (RA), DA AMMAR (RA), DA MIQDAD (RA), DA ABU ZARR (RA), DA ZUBAIR BN AUWAM (RA), DA MA DUKKAN WANI DA AKA RAYA AKWAI NASSI A KAN KHALIFANCINSA, HAR AKA RUWAITA NASSIN A KAN HAKA.
WANNAN ABU NE SANANNE BAYYANANNE DAGA HALIN SAHABBAI (RA), BABU WANI DAGA CIKINMU KO DAGA SHI'A DA YA ISA YU TURE SHI.
SHI YA SA SABODA 'YAN SHI'A BA ZA SU IYA KOREWA BA SAI SUKA CE: "TAQIYYA ADDININMU NE", HAR SUKA RUWAITO HAKAN DAGA 'YA'YAN ALIYU (RA) CEWA; SUN CE: "TAQIYYA ADDININMU NE DA ADDININ IYAYENMU".
SABODA HAKA BAI HALASTA AYI AIKI DA HADISIN 'DAI'DAIKU BA, ALHALI MU MUNA DA YAQININ SHI ALIYU (RA) BAI RUWAITO SHI BA, KUMA BAI BAYYANA SHI BA, SABODA HAKA WAJIBI NE A BAR AIKI DA WA'DANNAN HADISAI (WA'DANDA 'YAN SHI'A SUKA RUWAITO NA NASSIN KHALIFANCIN ALIYU {RA}), SABODA SHI ALIYU (RA) DA SAURAN SAHABBAN DA NA AMBATA A BAYA SUN YI AIKI NE DA ABIN DA YA SA'BA MA HADISAN NE, KUMA SUN YI WATSI DA WANDA YA RUWAITO NASSI A KAN KHALIFANCIN NASU, KUMA SUN K'ARYATA SHI, SABODA ANA WATSI DA HADISAN DA SUKA FI WA'DANNAN HADISAN NAKU K'ARFI, IN AN SAMU SANANNEN IJMA'I BAYYANANNE, BARE KUMA WA'DANNAN HADISAN SHI'AN DA MARUWAITANSU BA SU SIFFANTU DA ADALA DA AMANA A RIWAYA BA.
SA'ANNAN KUMA, DAGA CIKIN ABIN DA YAKE WAJABTA BARIN YIN AIKI DA WA'DANNAN HADISAN SHI'AN DA SUKA RUWAITO NA NASSI A KAN KHALIFANCI ALIYU (RA) – KO DA AN RUWAITOSU, KUMA KO DA IN ZA MU YI AIKI DA SU A SHARI'A A MATSAYINSU NA HADISAN 'DAI'DAIKU (BA MUTAWATIRAI BA) - TO ZA MU YI AIKI DA SU NE IDAN BA SU CI KARO DA WASU HADISAN DA SUKE 'DAUKE DA KISHIYAN ABIN DA YAKE CIKINSU BA, SABODA WANNAN HADISI NA NASSIN KHALIFANCIN ALIYU (RA) DA 'YAN SHI'A SUKE RAYA SUN RUWAITO SHI, YA CI KARO DA HADISAN BAKARIYYA DA RAWANDIYYA DA DUK WANDA YA RUWAITO NASSI A KAN KHALIFANCIN ABUBAKAR (RA) DA ABBAS (RA), ALHALI KUMA RUWAYOYIN NASU SUN FI BAYYANA DA TABBATA FIYE DA RUWAYOYIN SHI'A A KAN KHALIFANCIN ALIYU (RA), KUMA IJMA'IN MUSULMAN FARKO YA DACE DA RIWAYAR NASSI A KAN KHALIFANCIN ABUBAKAR (RA), SABODA GABA 'DAYA MUSULMAI SUN MIK'A WUYA, SUN YARDA DA KHALIFANCIN ABUBAKAR (RA), DON HAKA IJMA'INSU YA K'ARA K'ARFAFA HADISAN WA'DANDA SUKA RIWAITO NASSI A KAN KHALIFANCIN ABUBAKAR (RA), DON HAKA HADISANSU SUN FI NA SHI'A K'ARFI DA TABBATA, SAI YA ZAMA WAJIBI NE A BAR YIN AIKI DA MAI RAUNI, A 'DAUKI WANDA YA FI K'ARFI, WATO SHI NE HADISAN BAKARIYYA WA'DANDA SUKA RUWAITO HADISAI NA NASSI A KAN KHALIFANCIN ABUBAKAR (RA).
IN BA MU YI HAKA BA, TO ALAL AK'ALLI DOLE MU YARDA DA CEWA; HADISAN SUN CI KARO DA JUNA, SUN DAIDAITA DA JUNA, TA YADDA BA ZAI YIWU AYI AIKI DA 'BANGARE 'DAYA DAGA CIKINSU BA, TO DUKA SAI MU JINGINESU A GEFE, SAI MU KOMA KAN ASALI DA MUKE A KANSA TUN FARKO, WATO SHI NE; "RASHIN SAMUWAN NASSI A KAN KHALIFANCIN KOWA", HAR ZUWA LOKACIN DA 'DAYA DAGA CIKINSU ZAI TABBATA SAI MU KOMA KANSA, WANDA KUMA HAKAN BA ABU NE MAI YIWU BA, TUN DA TUN FARKO AN RASA NASSIN, TO A YANZU KUWA BA ZAI SAMU BA.
SABODA HAKA, DUKKAN ABIN DA ZA KAFA HUJJA DA SHI WAJEN RUSA KAFA HUJJA DA HADISIN 'DAI'DAIKU ZA A RUSA WANNAR RIWAYA (TA NASSI A KAN KHALIFANCI ALIYU) DA SHI, SABODA HAKA WANNAN KAWAI YA WADATAR WAJEN RUSA DA'AWAR SAMUWAR NASSI A KAN KHALIFANCIN ALIYU (RA), KUMA IDAN DA'AWAR SAMUWAR NASSIN TA RUSHE TO A BISA DOLE ZA'BEN ABUBAKAR (RA) YA TABBATA KUMA YA INGANTA, TABBATAWAN DA BABU WANI DA YA ISA YA IYA KORE SHI KO TUREWA".
TANBIHI:
1- ASHA'IRA SUNA 'DAUKAR WANDA YA BARRANTA DAGA ABUBAKAR (RA) DA UMAR (RA) DA USMAN (RA) DA SAURAN SAHABBAI YAKE ZAGINSU, SUNA 'DAUKARSA A MATSAYIN WANDA BA ADALI BA, WATO FASIK'I NE A WAJENSU, BA SA KAR'BAN RUWAYARSA DA SHAIDARSA.
2- ASHA'IRA DA SAURAN MASU BIN "ILMUL KALAM", KAMAR 'YAN SHI'A DA SUKE BIN MU'UTAZILAWA DA JAHAMIYYA BA SA KAFA HUJJA DA HADISIN 'DAI'DAIKU (HADISI AHAAD) A 'BANGAREN AQIDA, WANNAN YA SA BA'ASH'AREN YA RIK'E WA 'DAN SHI'AR MAK'OGORO DA MAGANAR HADISIN 'DAI'DAIKU.
AMMA WA'DANDA SUKE BIN TAFARKIN SALAF MAGABATA, SUNA KAR'BAN ADDINI NE DAGA DUKKAN HADISIN DA YA TABBATA DAGA MANZON ALLAH (SAW), KO DA KUWA HADISI NE AHAAD, A AQIDA KO SHARI'A DUKA.
WANNAN SHI NE KARSHEN KASHI NA BIYU NA TATTAUNAWAR, A BIYOMU A KASHI NA UKU INDA ZA MU CIGABA DA KAWO MUKU WANNAR TATTAUNAWA MAI FA'IDA INSHA ALLAHU.
MUNA FATAN MASU BIBIYA ZA SU FA'IDANTU, MUSAMMAN 'YAN SHI'A, KUMA MUNA FATAN ZA SU YI K'OK'ARIN YIN JAWABI A KAN AMSOSHIN SHI WANNAN BA'ASH'AREN.
No comments:
Post a Comment