'DAN SHI'A YA CE:
"MENENE DALILI A KAN RA'AYINKU NA INGANCIN ZA'BEN ABUBAKAR (RA) A MATSAYIN KHALIFA, DA KORE SAMUWAR NASSI A KAN IMAMANCIN IMAM ALI (AS)?".
BA'ASHA'ARE YA CE:
"DALILI A KAN HAKA SHI NE; IDAN AKA RASA NASSI A KAN IMAMANCIN ALIYU (RA) TO DOLE ZA'BEN ABUBAKAR (RA) YA ZAMA INGANTACCE, SABODA AL'UMMA GABA 'DAYANTA TA YI ITTIFAQI A KAN CEWA; BABU WATA HANYA TA SAMAR DA SHUGABANCI SAI WA'DANNAN HANYOYI GUDA BIYU (2); NASSI, DA ZA'BE, DON HAKA DUK LOKACIN DA AKA RASA 'DAYA DAGA CIKINSU, TO 'DAYAN SHI NE INGANTACCE.
SA'ANNAN KUMA ABIN DA YAKE NUNI GA RASHIN SAMUWAR NASSI A KAN IMAMANCIN ALIYU (RA) SHI NE; DA ACE; ANNABI (SAW) YA NASSANTA IMAMANCIN ALIYU (RA) DA KHALIFANCINSA A BAYANSA KAI TSAYE, DA YA WAJIBTA WA AL'UMMA TA YI MASA 'DA'A DA BIYAYYA BAN DA WANINSA, DA SAI YA CE MUSU:
"WANNAN SHI NE KHALIFANA, KUMA SHUGABA (IMAMI) A BAYANA, DON HAKA KU YI MASA 'DA'A DA BIYAYYA",
IN YA YI HAKA, TO DOLE YA KASANCE YA FA'DI HAKA NE A WAJEN DUKKAN SAHABBAI, KO MAFI YAWA DAGA CIKINSU, KO A WAJEN MUTUM 'DAYA DAGA CIKINSU KO MUTUM BIYU, (WANDA LABARINSA BA YA BA DA ILIMI {YAQINI}).
TO DON HAKA, IN YA KASANCE ANNABI (SAW) YA SANAR DA HAKAN, KUMA YA BAYYANA SHI, YA FA'DE SHI A MAGANA SHAHARARRIYA A CIKINSU, TO DOLE NE A RUWAITO WANNAN "NASSI", KAMAR YADDA AKA RUWAITO IRINSA, NA ABIN DA YA SHAHARA A CIKIN AL'UMMA, KAMAR SALLOLI BIYAR DA ZAKKA DA AZUMI DA HAJJI DA IBADU MAKAMANTANSU, WA'DANDA BABU SA'BANI A TSAKANIN AL'UMMA A KAN SHAR'ANCINSU DA FARLANCINSU A CIKIN ADDININ ANNABI MUHAMMAD (SAW), MUSAMMAN SABODA KASANCEWAR FARLANCIN SHUGABANCI YANA CIKIN FARILLAI NA DOLE DA YA SHAFI AL'UMMA GABA 'DAYANTA, KUMA SAMUN NASSI A KAN SHUGABANCIN DAGA ANNABI (SAW) ABU NE MAI MATUK'AR MUHIMMANCI SOSAI, TA YADDA BABU YADDA ZA AYI YA 'BOYU, KO DA WASU KO WANI YA YI K'OK'ARIN 'BOYE SHI, KWATA – KWATA BA ZAI TA'BA 'BOYUWA WA MUTANE BA, TARE DA CEWA; AL'UMMA GABA 'DAYA TA SAN CEWA; ANNABI (SAW) YA NA'DA ZAIDU BN HARITHA (RA), DA USAMA BN ZAID (RA) DA ABDULLAHI BN RAWAHA (RA), DA AMRU BN ASW (RA), DA ABU MUSA AL- ASH'ARIY (RA), DA AMRU BN HAZAM (RA), DA WSUNSU DAGA CIKIN GOMNONINSA, DA ALKALANSA, AN RUWAITO NA'DIN DA ANNABI (SAW) YA YI MUSU HAR TA YADDA BABU WANI MAI ILIMI DA MAI RIWAYA NA HADISI KO NA TARIHI DA BAI SAN WANNAN BA.
NASSANTA SHUGABANCI DAGA ANNABI (SAW) WA ALIYU (RA) A BISA YADDA 'YAN SHI'A SUKE RAYAWA, TA YADDA YA KASANCE A BAYYANE A FILI, MUHIMMANCINSA YA FI GIRMAN NA'DA WA'DANNAN GOMNONI DA ALKALAI NA ANNABI (SAW), AMMA AN RUWAITO NASU, AMMA KUMA BA A SAMU INDA AKA RUWAITO NA NA'DA ALIYU (RA) A MATSAYIN KHALIFAN ANNABI (SAW) SHUGABA KAI TSAYE A BAYAN RASUWARSA BA, DUK DA MATUK'AR MUHIMMANCIN RUWAITO NASSI A KAN NA'DA KHALIFAN ANNABI (SAW) WANDA ZAI ZAMA SHUGABAN AL'UMMA GABA 'DAYA A BAYANSA, DA KUMA BUK'ATUWAR AL'UMMA ZUWA GA HAKAN, FIYE DA RUWAITO NA WA'DANCAN, SABODA SHI MATSAYINSA NA SHUGABAN AL'UMMA NE GABA 'DAYA, AMMA NASU KUMA SHUGABANCI NE NA WANI 'BANGARE DAGA CIKIN AL'UMMA, AMMA AKA RUWAITO NASU BA A RUWAITO NASA BA, WANNAN SHI YAKE TABBATAR DA RASHIN SAMUWAR WANI NASSIN SHUGABANCI WA ALIYU (RA), DON HAKA TUN DA AN RASA NASSI, TO DOLE ZA'BEN ABUBAKAR (RA) YA ZAMA INGANTACCE.
KUMA DAGA CIKIN ABIN DA YAKE TABBATAR DA RASHIN NASSI A KAN SHUGABANCIN ALIYU (RA) KAI TSAYE A BAYAN ANNABI (SAW) SHI NE RASHIN SAMUN YAQINI DA MAFI YAWAN AL'UMMA SUKA YI A KAN SAMUWAR NASSIN, DA RASHIN SANINTA GA WANNAN NASSI, KAI, HASALI MA MAFI YAWAN AL'UMMA SUNA MA INKARIN SAMUWARSA KWATA – KWATA, SUNA MUSUNSA, KAI, HAR MA SUNA BARRANTA DA YIN ALLAH WADAI DA WANDA YAKE YIN ADDINI DA "AQIDAR NASSI A KAN KHALIFANCI ALI (RA)", KUMA HAR MUN GA MASU AQIDAR FIFITA ALI (RA) A KAN WANINSA, DAGA CIKIN 'YAN SHI'A ZAIDIYYA DA MU'UTAZILAWAN BAGADAZA DA WASUNSU, SU MA SUNA INKARIN SAMUWAR NASSI A KAN KHALIFANCIN NASA, SUNA MUSA SHI, DUK DA SUNA FIFITA ALIYU (RA) A KAN WANINSA.
WANNAN ABU NE A BAYYANE GA WANDA YA YI NASIHA MA KANSA.
IN KUMA NASSIN DA 'YAN SHI'AR SUKE RAYAWA NA SHUGABANCI WA ALIYU (RA), YA KASANCE A WAJEN DA ANNABI (SAW) YA FA'DI NASSIN MUTUM 'DAYA NE KO BIYU, KO A WAJEN WANDA ZAI IYA YIN K'ARYA, KO MAI MANTUWA KO MAI KUSKURE, SAI BAI WATSA SHI YA BAYYANA SHI BA, TO BA MU DA HANYAR DA ZA MU SAN WANNAN NASSI, HAR MU SAMU YAQININ CEWA; ANNABI (SAW) YA NASSANTA ALIYU (RA) A MATSAYIN KHALIFANSA SHUGABAN AL'UMMA A BAYAN RASUWARSA, HAR YA FARLANTA YI MASA 'DA'A BAN DA WANINSA, SABODA TUN ASALI WANDA YA RUWAITO NASSIN DAGA ANNABI (SAW), BA DOLE NE A SAMU YAQINI A KAN GASKIYARSA BA, KO MAI MANTUWA NE KO KUSKURE, ALHALI MU (ASHA'IRA) DA KU ('YAN SHI'A) DUKA MUN YI ITTIFAQI A KAN CEWA; HADISIN 'DAI'DAIKU (HADISI AHAAD {WANDA BAI KAI TAWATURI BA}) BA YA BA DA ILIMIN YAQINI, LAMARIN USULUD DEEN (AQIDA) KUWA BA A TABBATAR DA SHI DA HADISIN 'DAI'DAIKU, SAI DAI DA NASSI DA YAKE BA DA ILIMIN YAQINI, KAMAR AYAR QUR'ANI KO HADISI MUTAWATURI".
WANNAN SHI NE KARSHEN KASHI NA FARKO NA TATTAUNAWAR, A BIYOMU A KASHI NA BIYU INDA ZA MU CIGABA DA KAWO MUKU WANNAR TATTAUNAWA MAI FA'IDA INSHA ALLAHU.
MUNA FATAN MASU BIBIYA ZA SU FA'IDANTU, MUSAMMAN 'YAN SHI'A, MUNA FATAN ZA SU YI K'OK'ARIN YIN JAWABI A KAN AMSOSHIN SHI WANNAN BA'ASH'AREN.
No comments:
Post a Comment