Shiatu Ali, MAGANA TA ILIMI FA BA MAGANA KAMAR RUBUTU A JARIDA BA NE, KA RINKA ZUBO MAGANA BABU DALILI BABU LINZAMI.
DUK ABIN DA ZA KA FA'DA YA KAMATA KA NAZARCE SHI NE A ILMANCE, BA KA ZUBO MAGANA BABU MAKAMA BABU DALILI BA, YA KAMATA KA SAN DA WA'DANDA KAKE MAGANA, DA ABOKAN JAYAYYANKA KAKE YI BA 'YAN UWANKA 'YAN SHI'A BA.
DUK WANNAN ABIN DA KA KAWO YANA NUNI NE A KAN RASHIN GIRMAMA AQIDARKA TA IMAMA, WACCE ITA CE TUSHEN ADDININ SHI'ANCI.
YANZU AQIDAR IMAMA, AQIDAR DA ITA TA RABA DUNIYA GIDA 2; 'YAN SUNNI DA 'YAN SHI'A, AMMA KA KASA TABBATAR DA ITA SAI DA KWATANCE - KWATANCE?!
TA YAYA ZA KA IYA TABBATAR MANA DA CEWA; MA'ANAR "MAULA" A LARABCI ITA CE "SHUGABA"?
YANZU KENAN NASSI YA GAGARA SAMUWA SAI DAI "QIYASI" DA "FALSAFA"?!
AQIDAR IMAMA GUDA - A MATSAYINKA NA 'DAN SHI'A - AMMA KA KASA TABBATAR MANA DA ITA DAGA NASSI, SAI DAI DA KWATANCE - KWATANCE, DA FALSAFA, DA QIYASI A KAN HADISIN "MANZILA"?!
DON ALLAH KA LURA, YANA DA KYAU KA RINK'A GIRMAMA TUNANIN MUTANE, BAI KAMATA KANA MAGANA DA TSUKAKKEN TUNANI WA MUTANE BA, KA ZO KA GABATAR WA JAMA'AR DA ALLAH NE KAWAI YA SAN YAWANSU.
SABODA DUKKAN WANDA YA SAN WANI ABU A GAME DA SHI'A, YA SAN AQIDAR IMAMA TANA DA MATSAYIN DA BABU WANI ABU A ADDINI DA YA KAITA MATSAYI, - A WAJEN 'YAN SHI'A -, DON HAKA SUKA KAFIRTA WANDA BAI YI IMANI DA ITA BA, ALHALI - ABIN KUNYA - HAR YAU 'YAN SHI'A SUN KASA TABBATAR DA ITA WANNAR AQIDA TA IMAMA DAGA NASSIN QUR'ANI KO HADISI, ALHALI KUMA SHI NE ABU MAFI MUHIMMANCI A ADDINI A WAJENSU!!
DON HAKA WANNAN KWATANCE - KWATANCE, DA FALSAFA DA QIYASIN HADISIN "MAULA" A KAN HADISIN "MANZILA", DUKA WANNAN BABBAR GAZAWA CE GA MABIYA ADDININ SHI'A, TUN DAGA FARKO HAR YAU.
SABODA HAKA ABIN DA MUKE BUK'ATA A WAJENKA SHI NE; KO ZA KA IYA TABBATAR MANA DA CEWA; MA'ANAR "MAULA" A LARABCI SHI NE SHUGABA?
* A ILMANCE, BA KAWAI KA YI TA ZURARO MANA SURUTU MARAS LINZAMI BA, MAGANA TA ILIMI MUKE BUKATA BA SHACI FA'DI BA. AI IN WANNAN NE DA YAWA SUN FIKA IYAWA, AMMA SABODA BA SU HALATTA MA KAWUKANSU YIN HAKAN A MAGANA TA ADDINI DA ILIMI SHI YA SA BA SA IYA YI.
Abdullahi Muhammad, WA ALAIKUMUS SALAM.
1- HABA MALAM ABDULLAHI, KAI MA TALBISI ZA KA YI WA MUTANE?!
KAR FA KA MANTA, WANNAN BA HALINKA BA NE.
GA NAN MAGANAR IBNU JAUZIY KAMAR HAKA:
"IBNUL JAUZIY YA CE:
وقال المؤلف: وهذا حديث لا يجوز الاحتجاج به ومن فوقه إلى أبي هريرة ضعفاء ونزول الآية كان يوم عرفة بلا شك وذكر ذلك في الصحيحين.
العلل المتناهية في الأحاديث الواهية (1/ 223)
"WANNAN HADISI BAI HALASTA A KAFA HUJJA DA SHI BA, SABODA TUN DAGA NA SAMA DA SHI (HABSHUN) ZUWA ABU HURAIRA (RA) DUKA RAUNANA NE. KUMA AYAR:
{اليوم أكملت لكم دينكم}
BABU SHAKKA TA SAUKA NE A RANAR ARAFA (BA RANAR GADEER BA), KAMAR YADDA YA ZO A CIKIN SAHIHAINI (BUKHARI DA MUSLIM)".
ABIN DA YAKE NUFI SHI NE: MARUWAITAN DA SUKE KAFIN ABU HURAIRA (RA) DA'IFAI NE, BA YA NUFIN ABU HURAIRA (RA) DA'IFI NE. YA KAMATA MU NISANCI TAHRIFI, HALI NE NA YAHUDAWA.
* DON ALLAH KAR KA LAZIMTA MANA ABIN DA BA LAZIMI BA NE.
2- DON ALBANIY YA INGANTA "ALLAHUMMA WALI MAN WALAHU..." BAI HANA A NAK'ALTO MAGANAR WANINSA WANDA YA K'ARYATA BA, SABODA KOWA YANA FA'DIN ABIN DA ILIMINSA YA ISA GARE SHI NE.
3- LALLAI KALMAR "MAULA" TANA ZUWA DA MA'ANAR "SAYYID", AMMA MA'ANAR "SAYYID" A HAUSA ITA CE: "UBANGIDA", KAMAR: BAWA DA UBANGIDANSA, BA SHUGABA NA MULKI BA.
SA'ANNAN INA DA MAGABATA WA'DANDA SUKA FI SUYU'DIY DA MAKAMANTANSA, WA'DANDA SUKA FASSARA MA'ANAR "MAULA" DA YA ZO A CIKIN HADISIN, AMMA DUKKANSU BABU WANDA YA FASSARA DA SHUGABANCI NA MULKI.
AL- 'DAHAWIY YA CE:
فقال قائل: فما معنى: " من كنت مولاه فعلي مولاه "؟ فقيل له: المولى ها هنا هو الولي , كما قال الله عز وجل: {والمؤمنون والمؤمنات بعضهم أولياء بعض} [التوبة: 71] وقد بين ذلك فيما روينا , فمن كان لرسول الله صلى الله عليه وسلم وليا كان لعلي كذلك , وكذلك أصحابه رضوان الله عليهم , بعضهم أولياء بعض , والله نسأله التوفيق.
شرح مشكل الآثار (5/ 25)
SA'ANNAN AL- BAIHAQIY YA RUWAITO DAGA AL- SHAFI'Y YANA CEWA:
سمعت الربيع بن سليمان يقول: سمعت الشافعي رحمه الله يقول في معنى قول النبي صلى الله عليه وسلم لعلي بن أبي طالب رضي الله عنه: من كنت مولاه فعلي مولاه، يعني بذلك ولاء الإسلام وذلك قول الله عز وجل ذلك بأن الله مولى الذين آمنوا وأن الكافرين لا مولى لهم وأما قول عمر بن الخطاب لعلي: أصبحت مولى كل مؤمن، يقول: ولي كل مسلم
الاعتقاد للبيهقي (ص: 355)
SA'ANNAN YA RUWAITO DAGA ALHASAN BN HASAN:
, أنا فضيل بن مرزوق، قال: سمعت الحسن بن الحسن، وسأله، رجل، ألم يقل رسول الله صلى الله عليه وسلم: «من كنت مولاه فعلي مولاه» ، قال لي: بلى والله لو يعني بذلك رسول الله صلى الله عليه وسلم الإمارة والسلطان لأفصح لهم بذلك، فإن رسول الله صلى الله عليه وسلم كان أنصح للمسلمين، فقال: «يا أيها الناس، هذا ولي أمركم والقائم عليكم من بعدي فاسمعوا له وأطيعوا والله لئن كان الله ورسوله اختار عليا لهذا الأمر وجعله القائم به للمسلمين من بعده ثم ترك علي ما أمر الله ورسوله لكان علي أول من ترك أمر الله ورسوله»
الاعتقاد للبيهقي (ص: 355 - 356
SABODA HAKA "WALAYA" AKE NUFI, WACCE TAKE 'DAUKAR MA'ANAR SOYAYYA DA TAIMAKO, KISHIYAR ADAWA, BA "WILAYA" BA, WANDA YAKE DA MA'ANAR SHUGABANCI.
"MAULA" DA "WALIYYI" MA'ANARSU 'DAYA, ITA CE; MASOYI, AMMA "WAALIY", ITA CE; SHUGABA.
المولى هو الولي، وليس هو الوالي، فتدبر!
IN AN CE: HADISIN ALIY BN ZAID BN JUD'AN DA'IFI NE, AMMA MA'NAR HADITHIN YAZO TA WATA FISKAR DABAM, BA YA NUFIN INGANTA DUKKAN LAFAZIN HADISIN, YANA NUNI NE ZUWA GA INGANTA ABIN DA YA INGANTA, SHI NE FA'DIN ANNABI (SAW):
من كنت مولاه, فعلي مولاه
"DUK WANDA NA KASANCE NI MASOYINSA NE TO ALIYU MA MASOYINSA NE".
AMMA SAURAN K'ARE - K'ARE NA HADISI, KAMAR WANNAR ADDU'AR, DA MURNAR UMAR (RA) DUKA BA SU TABBATA BA.
4- WASIYYA DA AHLUL BAITI DA ANNABI (SAW) YA YI TA SHAFI DUKKAN MUSULMI NE GABA 'DAYA BA SAHABBAI KAWAI BA.
LALLAI IN KA JE KASASHEN DA SUKE KIYAYE NASABA, KAMAR SAUDIYYA ZA KA SAMU GIDAJEN DA AKA TABBATAR SU AHLUL BAITI NE, DON HAKA WA'DANDA AKA SANSU A BISA TAFARKIN KAKANSU ANA KIYAYE HAKK'INSU NA SHARI'A, SA'BANIN WA'DANDA SUKA JEFAR DA TAFARKIN NA KAKAN NASU, SU KAM DANGANTAKARSU DA SHI BA ZA TA AMFANAR DA SU KOMAI BA, A DUNIYA DA LAHIRA.
AMMA SU ALU SHEIKH, ALLAH YA 'DAUKAKASU NE DA ILMI DA RIKO DA ADDINI, SAI SUKA ZAMA GIDA MAFI GIRMA DA YA KIYAYE ILMI DA RIK'O DA ADDINI A BISA SUNNAR MANZON ALLAH (SAW), DON HAKA ALLAH YANA 'DAUKAKA GIDA NE DA ILMIN ADDINI DA RIK'O DA SHI, BA DA NASABA KAWAI BA.
Shiatu Ali, GA NAN TAMBAYOYI KAMAR HAKA:
1- A INA AKA CE: "kalmar Mawla nada ma'anoni da dama ciki harda 'shugaba"?
MUNA BUKATAR BAYANI, TARE DA DALILAI.
2- KA CE: "A wurinmu yayi hakan ne domin cika umarnin Allah (swt) dake cikin Suratul Ma'ida:67."
MENENE DALILI A KAN HAKA?
3- KA CE: "Matsayin Annabi Haruna(a.s) a wurin Annabi Musa matsayi ne da Allah (swt) ne da kanSa Ya ayyana bayan Annabi Musa (a.s) ya gabatar da addu'ar neman hakan (Suratul Ta-Ha:29-32). Matsayin na Annabi Haruna (a.s) ya kunshi Annabtaka da shugabanci (UKHLUFNIYY FI QAWMIYY)."
YAUSHE NE ANNABI HARUNA (AS) YA ZAMA KHALIFAN ANNABI MUSA (AS)?
4- KA CE: "Ba zai yiwu Annabi Muhammad (s.a.w.a), wanda yafi kowa kiyaye haqqin Allah (swt), ya ayyana wani mutum a bisa irin wannan muqami ba, face da izinin yin haka daga Allah (swt) ba - LA YANTIQU ANIL HAWA."
WANE MUK'AMI NE ANNABI (SAW) YA AYYANA ALIYU (RA)?
5- KA CE: "Meye matsalah idan akace ga dukkanin wanda Annabi Musa (a.s) ya kasance Mawlah-shugaba to Annabi Haruna (a.s) ma Mawlansa-shugabansa ne?"
A INA AKA FA'DI HAKAN?
KUMA WA YA CE: "MAULA" SHI NE SHUGABA?
6- KA CE: "Meye na fada wanda ma'abota llimi zasu kira shaci fadi, meye ya sabawa ko ya raina hankalin masu karatu?"
DUK MAGANA DA ZA KA KAWO BABU DALILI TA ZAMA SHACI FA'DI.
HAKA NAN, KAWO MAGANA WA MUTANE BA TARE DA DALILAI BA, RAINA HANKULAN MASU KARATU NE, SABODA MUTANE BA RA'AYINKA SUKE BUKATA KAWAI BA, A'A, SUNA BUKATAN JIN RA'AYINKA NE A TARE DA DALILINSA, IN SUN GAMSU SU KARBA, IN KUMA DALILAN BA MASU GAMSARWA BA NE, SU WARWARESU.
7- KA CE: "Kai nufinka a kullum mu tsuguna kan taqaddamar ma'anar kalmomi bayan tuni mun dade da wuce wurin."
TO AI BA A TA'BA SAMUN SA'BANI BA FACE A KAN FASSARORIN MA'ANONIN KALMOMI, KUMA BA ZA A DENA SA'BANI BA HAR SAI AN DAIDAITA A KAN MA'ANONIN KALMOMI, DON HAKA BA ZA A DENA TAQADDAMA A KANSU BA HAR ABADA. DON HAKA NI BAN WUCE WURIN BA.
8- KA CE: "Bafa zaka iya bada kariya ga wadanda suka bijirewa wasicin Manzo (s.a.w.a) ta hanyar durmuyadda ma'anar kalmar Mawlah domin hadisin Manzilah da wasunsu zasu zame maka cikas sosai.
TO NI A SANINA BAN SAN WANI WASICCI DA MANZON ALLAH (SAW) YA YI BA WANDA KAKE NUFI, WANDA HAR WASU SUKA BIJIRE MASA, BARE KA RAYA CEWA; INA K'OK'ARIN KARESU.
IN KANA DA'AWAR KALMAR "MAULA" ITA CE; "SHUGABA" TO KA TABBATAR MANA DA HAKA, TA HANYAR NAK'ALTO MAGANGANUN MALAMAN LUGA, DA KUMA NA MALAMAI MASU FASSARA KALMOMIN AL- QUR'ANI, DA NA MALAMAN GARIBUL HADIS (KALMOMIN HADISI).
SA'ANNAN KUMA BABU WATA MA'ANA TA SHUGABANCI DA KHALIFANCI A BAYAN ANNABI (SAW) A CIKIN HADISIN "MANZILA", BARE YA ZAMA CIKAS WA MA'ANAR "MAULA" TA SOYAYYA DA YAKE CIKIN HADISIN GADEER.
* MAGANA TA ILIMI DA NAKE BUKATA ITA CE; INA BUK'ATAR DUK ABIN DA ZA KA FA'DA, TO KA K'ARFAFA SHI DA HUJJA DA DALILI, IMMA NASSIN QUR'ANI, KO HADISI, TARE DA NAK'ALTO FASSARAR DA MALAMAN TAFSIRI DA HADISI SUKA YI, HAKA NA MALAMAN LUGA, IRIN WANNAN NAKE BUKATA, BA KA ZO KA JERO MINI BAYANI BABU DALILI BA, SABODA RA'AYINKA BAI FI NAWA BA, BARE KA KAWO MINI SHI BA TARE DA DALILINSA BA.
Abdullahi Muhammad:
1- AI SAHABBAI DA SAURAN MARUWAITA BA JINSI 'DAYA SUKE BA A CIKIN ISNADI, KAMAR YADDA YAKE A ILIMIN "RIJAAL", DUKKAN SAHABBAI ADILAI NE, BA A BINCIKENSU, AMMA NA K'ASA DA SU BA ADILAI BA NE, ANA BINCIKEN ADALCINSU, DON HAKA - IN KA SAN WANNAN - BAI KAMATA KA FAHIMCI RAUNANA SAHABI BA DAGA MAGANAR IBNUL JAUZIY.
A TAK'AICE NA YI MAKA BAYANIN ABIN DA YAKE NUFI A BAYA, BAI KAMATA MU CIGABA DA JAYAYYA A KAN ABIN BA SHI DA AMFANI BA, SABODA KA SAN BA ABIN DA KA FA'DA MUKE NUFI BA, SABODA SANIN MATSAYIN SAHABBAI A WAJEN AHLUS SUNNA, DA KUMA SANIN QA'IDARSU A GAME DA SAHABBAI A CIKIN ISNADIN HADISI.
2- AI YIN HUKUNCI MA HADISI YANA ALAKA DA IJTIHADI, DON HAKA MALAMI ZAI IYA DACEWA DA DADAI WAJEN HUKUNCI MA HADISI, KAMAR YADDA ZAI IYA KUSKUREWA, KUMA BA WAJIBI BA NE A KAINA SAI NA KAR'BI HUKUNCIN DA MALAMI YA YI MA WANI HADISI, MATUK'AR NA GAMSU DA SA'BANIN HUKUNCINSA MA HADISIN, SABODA SHI MA IJTIHADI YA YI.
DON HAKA, MAGANA A KAN HADISIN: "BABU MAI SON ALIYU SAI MUMINI, BABU MAI K'INSA SAI MUMINI", BA SHI DA ALAK'A DA WANNAN K'ARIN DA YAKE CIKIN HADISIN "MAULA", WAJEN TABBATAR RIWAYAR.
3- ABIN DA KA KAWO DAGA IBNU HAJAR AI "TAKHRIJI" NE, KO DA AN SALLAMA, SHIN BA KU GANIN AKWAI BABBAR GAZAWA GA 'YAN SHI'A WAJEN TABBATAR DA SAMUWAR "NASSI" A KAN IMAMANCIN ALIYU (RA)?!
SABODA SHI LAFAZIN "MAULA" LAFAZI NE "MUSHTARAK", WATO YANA 'DAUKAR MA'ANONI MASU YAWA, DON HAKA A MA'ANAR DA KUKA RIK'E AKWAI IHTIMALI A CIKINTA, WANDA SHI YAKE HANA ZAMOWAR KALMAR TA ZAMA "NASSI" A BISA MA'ANARSA A WAJEN MALAMAN "USULUL FIQH".
SABODA HAKA, SHIN ZAI YIWU ACE; LAMARIN IMAMA SHI NE MAFI MUHIMMANCI, ALHALI BABU "NASSI SARIHI" A KANSA?!
HAR YA KAI GA KAFIRTA DUK WANDA BAI YI IMANI DA WILAYAR ALIYU (RA) BA?!
LALLAI WANNAN GAZAWA CE MAI GIRMA A FILI GA SHI'A, SABODA SUN KASA TABBATAR DA RUKUNIN ADDINI MAFI GIRMA A WAJENSU, WATO "IMAMA" TA HANYAR "NASSI SARIHI", SAI DAI LAFAZI "MUSHTARAK", WANDA AKWAI "IHTIMALI" A CIKINSA.
ABIN DA NAKE SO DA KAI, INA SO MU YI BAHASI A KAN MA'ANAR "MAULA", DON TABBATAR DA ABIN DA KAKE DA'AWA KO KORE SHI.
No comments:
Post a Comment