MURAJA'A TARE DA AYATULLAH SAYYID Nasiru Aminu A KAN ADALCIN SAHABBAI KASHI NA (1)

NASIRU YA CE:
"IDAN KANA NUFIN SAHABBAI DUKA ADALAI NE WAJAN NESATAR MANYA-MANYAN LAIFUKA ANAN WAJAN INA DAJA DAKAI."

AMMAR YA CE:
ADALA DA MUKE MAGANA A KANTA, ITA CE WACCE, IDAN AIYUKAN 'DA'A MA ALLAH NA MUTUM SUKA RINJAYI NA SA'BONSA TO YA ZAMA ADALI, HAKA IDAN AIYUKANSA NA SA'BO SUKA RINJAYI NA 'DA'A MA ALLAH TO YA ZAMA FASIQI. DON HAKA SAHABBAN ANNABI (SAW) BA MA'ASUMAI BA NE, SUNA AIKATA LAIFUKA, AMMA AIYUKANSU NA ALHERI DA 'DA'A MA ALLAH SU SUKA FI RINJAYE A KAN NA SA'BO, DON HAKA SUKA ZAMA ADILAI.
AL- IMAMU NAWAWIY YA CE:
قول الجمهور أن من غلبت طاعته معاصيه، كان عدلا، وعكسه فاسق، ولفظ الشافعي - رحمه الله - في «المختصر» يوافقه
روضة الطالبين وعمدة المفتين (11/ 225)

GA NAN MAGANAR IMAMU SHAFI'IY (R) KAMAR HAKA:
البويطي يقول: قال الشافعي رحمه الله: «لا أعلم أحدا أعطي طاعة الله حتى لم يخلطها بمعصية إلا يحيى بن زكريا عليه السلام , ولا عصى الله فلم يخلط بطاعة , فإذا كان الأغلب الطاعة فهو المعدل , وإذا كان الأغلب المعصية فهو المجرح»
الكفاية في علم الرواية للخطيب البغدادي (ص: 79) آداب الشافعي ومناقبه (ص: 232 – 233)

HAKA AN RUWAITO MAI KAMA DA ITA DAGA IBNUL MUSAYYAB (R) KAMAR HAKA:
مالك بن أنس , يقول: سمعت الزهري , يقول: سمعت سعيد بن المسيب يقول: «ليس من شريف ولا عالم ولا ذي سلطان إلا وفيه عيب , لا بد , ولكن من الناس من لا تذكر عيوبه , من كان فضله أكثر من نقصه وهب نقصه لفضله»
الكفاية في علم الرواية للخطيب البغدادي (ص: 79)

DON HAKA ADALAR DA AKE MAGANA A KAN SAHABBAI IRIN WANNAR CE, WATO ALHERINSU YA FI LAIFUKANSU YAWA, BA –WAI- ANA NUFIN CEWA; KWATA – KWATA BA SA LAIFI BA NE, KAMAR YADDA KUKE SO SU ZAMA.
TO IN SUN ZAMA HAKA, TA YAYA ZA KU IYA BANBANCESU DA IMAMANKU MA'ASUMAI?!

• NASIRU YA CE:
"DUK WANDA YA DUBA MAGANAR AMMAR ZAIGA KUDIN GORO YAYIWA MAGANARSA BATARE DAYA RARRABE BA."

AMMAR YA CE:
ABIN DA YA KAMATA MALAM NASIRU YA SANI SHI NE; IDAN AN CE {'DA'A} SUNA NE DA YA HA'DA DUKKAN BIN UMURNIN ALLAH, SAWA'UN NA FARILLA DA WAJIBI KO NA NAFILA DA MUSTAHABBI, DA HANUWA DAGA HANINSA. HAKA IN AN CE; {SA'BO} SUNA NE DA YA K'UNSHI DUKKAN AIYUKAN SA'BA UMURNIN ALLAH KO AIKATA ABIN DA YA HANA, SAWA'UN KAFIRCI NE DA SHIRKA, KO KABA'IRA NE, KO K'ANANAN LAIFUKA NE. SAI DAI KOWACE KALMA IN TA ZO A KAN LURA DA SIYAK'IN MAGANAR CE SAI A IYA FAHIMTAR ABIN DA AKE NUFI DAGA CIKIN NAU'O'IN 'DA'AN KO NA SA'BON, KO KUMA DA WANI DALILI NA DABAN. MISALI, ALLAH YA CE GAME DA ANNABI ADAM (AS):
وعصى آدم ربه فغوى

"SAI ADAMU YA SA'BA MA UBANGIJINSA, SAI YA 'BATA".
HAKA SAI YA CE GAME DA FIR'AUNA:
فعصى فرعون الرسول فأخذناه أخذا وبيلا 

"SAI FIR'AUNA YA SA'BA WA MANZON, SAI MUKA KAMA SHI KAMU MAI 
TSANANI".
KUMA DU YA CE GAME DA FIR'AUNA:
فكذب وعصى
"SAI YA K'ARYATA KUMA YA YI SA'BO".

YA CE:
آلآن وقد عصيت قبل وكنت من المفسدين

• ABIN AMBAYA A NAN SHI NE: SHIN SA'BON DA ANNABI ADAMU YA YI IRI 'DAYA YAKE DA SA'BON DA FIR'AUNA YA YI?
KOWA YA SAN CEWA; SA'BON DA FIR'AUNA YA YI SHI NE KAFIRCI, AMMA ANNABI ADAMU (AS) SA'BONSA BA NA KAFIRCI BA NE. AMMA DUKA ALLAH YA KIRASU DA SUNAN SA'BO.
• KAI, IN KA LURA DA AYOYIN AL- QUR'ANI ZA KA GA CEWA; MAFI YAWAN AYOYIN DA SUKA AMBACI SA'BO, SUNA NUFIN IMMA KAFIRCI KO KUMA AIKATA KABA'IRA DA ZAI SA MUTUM YA SHIGA WUTA.
ALLAH YA CE:
ومن يعص الله ورسوله ويتعد حدوده يدخله نارا خالدا فيها وله عذاب مهين

KUMA DU ALLAH YA CE:
ومن يعص الله ورسوله فإن له نار جهنم خالدين فيها أبدا

KA GA WANNAN SA'BON YA KAI KAFIRCI, SABODA ALLAH YA CE; WANDA YA SA'BA MASA ZAI DAUWAMA A WUTA, ALHALI BABU WANI MUSULMIN DA ZAI DAUWAMA A WUTA, SAI DAI KAFIRI KO MUSHRIKI.
ALLAH YA CE:
وما كان لمؤمن ولا مؤمنة إذا قضى الله ورسوله أمرا أن يكون لهم الخيرة من أمرهم ومن يعص الله ورسوله فقد ضل ضلالا مبينا

A WANNAR AYAR, ALLAH YA CE: DUK WANDA YA SA'BA MASA DA MANZONSA YA 'BATA 'BATA BAYYANANNA. TO KA GA WANNAN SA'BO NE NA KABA'IRA, IN BAI KAI NA KAFIRCI BA.
SA'ANNAN ALLAH YA CE:
حتى إذا فشلتم وتنازعتم في الأمر وعصيتم من بعد ما أراكم ما تحبون

KUMA DU YA CE:
ولا يعصينك في معروف فبايعهن واستغفر لهن الله

KA GA DUKA WANNAN SA'BO NE NA MANYAN LAIFUKA (KABA'IRA).
HAKA YA SIFFANTA MALA'IKU DA CEWA; BA SA SA'BA UMURNINSA, SAI YA KORE MUSU DUKKAN NAU'I NA SA'BO, BA KA ISA KA CE; KAWAI SA'BO A K'ANANAN LAIFUKA YA KORE MUSU BA, A'A, YA KORE MUSU SA'BON HAR NA MANYAN LAIFUKA.
عليها ملائكة غلاظ شداد لا يعصون الله ما أمرهم

DON HAKA A NAN MANYAN LAIFUKA YAKE NUFI.

• A TAK'AICE, ZA KA IYA CEWA; DUK CIKIN AL- QUR'ANI KALMAR {SA'BO} TA ZO NE DA MA'ANAR KAFIRCI KO KABA'IR (BABBAN LAIFIN DA ALLAH YAKE YIN UQUBA A KANSA), BABU INDA YA ZO DA MA'ANAR K'ARAMIN LAIFI SAI WAJE GUDA 'DAYA, INDA ALLAH YA CE:
وكره إليكم الكفر والفسوق والعصيان

SA'BO A CIKIN WANNAR AYAR YANA NUFIN K'ARAMIN LAIFI, SABODA SIYAK'IN MAGANAR YANA NUNA HAKA, SABODA ALLAH YA JERO LAIFUKA A JERE, DAGA SAMA ZUWA K'ASA, SAI YA FARA DA KAFIRCI, SAI FASIK'ANCI, (YANA NUFIN KABA'IR) SAI KUMA SA'BO, WANDA YAKE NUFIN K'ARAMIN LAIFI.

SABODA HAKA, MAGANAR DA NA KAWO TA IMAMU SHAFI'IY KAMAR HAKA:
البويطي يقول: قال الشافعي رحمه الله: «لا أعلم أحدا أعطي طاعة الله حتى لم يخلطها بمعصية إلا يحيى بن زكريا عليه السلام , ولا عصى الله فلم يخلط بطاعة , فإذا كان الأغلب الطاعة فهو المعدل , وإذا كان الأغلب المعصية فهو المجرح»

BABU WANI DALILI DA ZAI SA KA NUNA CEWAR; KANANAN LAIFUKA YAKE NUFI BA MANYA-MANYAN LAIFUKA BA, ALHALI GA SHI MAFI YAWAN AYOYIN AL- QUR'ANI SUNA NUFIN MANYAN LAIFUKA NE IN SUN ZO DA AMBATON KALMAR {SA'BO}.

• A TAK'AICE, INA SAKE MAIMAITAWA; ADALA DA MUKE MAGANA A KANTA, ITA CE WACCE, IDAN AIYUKAN 'DA'A MA ALLAH NA MUTUM SUKA RINJAYI NA SA'BONSA, SAWA'UN MANYAN LAIFUKA KO K'ANANA TO YA ZAMA ADALI.