BISMILLAHIR RAHMANIR RAHIM.
3- NASIHU DA SHAWARWARIN DA AKA BAI WA HUSAINI (RA) NA HANA SHI TAFIYA KUFA:
MUSLIM BIN AK'EEL YA AIKA WA HUSAINI (RA) TAKARDA YANA MAI BA SHI LABARIN CEWA; MUTANEN KUFA SUN YI MASA MUBAYA'A.
أما بعد فإن الرائد لا يكذب أهله وقد بايعني من أهل الكوفة ثمانية عشر الفا فعجل الإقبال حين يأتيك كتابي فإن الناس كلهم معك ليس لهم في آل معاوية رأي ولا هوى والسلام.
YA CE: BAYAN HAKA; LALLAI 'DAN SAK'O BA ZAI YI K'ARYA WA MUTANENSA BA. HAK'IK'A MUTUM 18,000 NA MUTANEN KUFA SUN YI MINI MUBAYA'AH, KA GAGGAUTA TAFOWA DA ZARAR TAKARDATA TA SAMEKA. SABODA DUKKAN MUTANE SUNA TARE DA KAI, BA SU DA WANI RA'AYI KO SOYAYYA WA GIDAN MU'AWIYA. WASSALAM.
DUBA TARIKHU'D 'DABARIY 5/ 375.
TO DA WANNAR TAKARDA TA ISA GA HUSAINI (RA) SAI YA FARA SHIRIN TAFIYA KUFA. DA MUTANE SUKA JI HAKA SAI SUKA FARA YI MASA GARGA'DI DA NASIHA GAME DA YAUDARAR MUTANEN IRAK'I. DAGA CIKIN SU AKWAI:
1- ABDULLAHI BIN MU'DE'I.
2- ABDUR RAHMAN BIN HARITH.
3- ABDULLAHI BIN ABBAS.
4- MUH'D BIN HANAFIYYAH.
5- ABDULLAHI BIN JA'AFAR.
GA NASIHAR IBNU ABBAS GARE SHI:
يا ابن عم إنك قد أرجف الناس أنك سائر إلى العراق فبين لي ما أنت صانع قال: إني قد أجمعت المسير في احد يومين هذين إن شاء الله تعالى. فقال له ابن عباس: فإني أعيذك بالله من ذلك, أخبرني رحمك الله, أتسير إلى قوم قد قتلوا اميرهم وضبطوا بلادهم ونفوا عدوهم. فإن كانوا قد فعلوا ذلك فسر إليهم , وإن كانوا إنما دعوك إليهم وأميرهم عليهم قاهر لهم وعماله تجبي بلادهم , فإنهم إنما دعوك إلى الحرب والقتال, ولا آمن عليك أن يغروك ويكذبوك ويخالفوك ويخذلوك وأن يستنفروا إليك فيكونوا أشد الناس عليك.
YA CE: YA 'DAN BAFFANA, LALLAI MUTANE SUNA YA'DA JITA - JITAN CEWA; ZAKA TAFI IRAK'I, KA BAYYANA MINI ME ZAKA YI A CAN 'DIN?
SAI YA CE: LALLAI NA YI NIYYAR TAFIYA A 'DAYAN KWANAKI 2 NAN, IN ALLAH YA SO. SAI IBNU ABBAS (RA) YA CE MASA: INA ROK'ON ALLAH YA MAKA TSARI DA FITAN. KA BA NI LABARI; YANZU ZA KA TAFI WAJEN MUTANEN DA SUKA KASHE SHUGABANSU, SUKA TSARE GARINSU, SUKA KORI MAK'IYINSU, IN SUN YI HAKA, TO KA JEKA WAJENSU. IN SUN KASANCE SUN KIRAKA NE ALHALI SHUGABANSU YANA DA IKO AKANSU, KUMA GOMNONINSA SUNA KAI HARAJIN GARURUWANSU, TO LALLAI SUN KIRA KA NE ZUWA GA YAK'I. LALLAI BA ZAN AMINCE MAKA BA, ZA SU YAUDAREKA, ZA SU K'ARYATAKA ZA SU SA'BA MAKA, ZA SU K'I TAIMAKONKA, KUMA ZA SU FITO ZUWA GAREKA AMMA SU ZAMA MATANE MAFI TSANANI A KANKA.
DUBA 'DABARIY 5/ 383.
TO, A LOKACIN DA AKA KAMO MUSLIM BIN AK'EEL, AKA ZO DA SHI FADAR UBAIDULLAH BIN ZIYAD, YA NEMI YA YI MUBAYA'A MA YAZIDU, AMMA YA K'I. SAI YA CE: LALLAI KASHEKA ZAN YI. TO SAI YA CE: KA BAR NI IN YI WASIYYA, SAI YA DUBA SAI YA GA UMAR BIN SA'AD BIN ABI WAK'K'AS, SAI YA CE: KAI NE MA FI KUSA DA NI A DANGANTAKA. ZAN YI MAKA WASIYYA. SAI YA KE'BE DA SHI GEFE, YA YI MASA WASIYYA DA YA AIKA WA HUSAINI (RA); DA YA KOMA KAR YA ZO. SAI UMAR BIN SA'AD YA AIKI WANI MUTUM ZUWA GA HUSAINI (RA) YA BA SHI LABARIN CEWA; ABU FA YA 'BACI. MUTANEN KUFA SUN YAUDARE SHI. YA ISAR MASA DA KALMA MUSLIM SHAHARARRIYAR NAN:
« ارجع بأهلك ولا يغرنك أهل الكوفة فإن أهل الكوفة قد كذبوك وكذبوني وليس لكاذب رأي ».
KA KOMA DA IYALANKA, KAR MUTANEN KUFA SU YAUDAREKA, DOMIN MUTANEN KUFA SUN K'ARYATAKA SUN K'ARYATANI, LALLAI MAK'ARYACI BA SHI DA RA'AYI.
AN KASHE MUSLIM BIN AK'EEL A RANAR ARAFA, SHI KUMA HUSAINI (RA) YA FITO DAGA MAKKA A RANAR TARWIYAH 8/ 12. WATO KAFIN A KASHE WAKILINSA MUSLIM DA KWANA 'DAYA TAK.
NASIHUN SAHABBAI GARE SHI LOKACIN FITANSA:
1- ABDULLAHI BIN UMAR (RA):
الشعبي: كان ابن عمر بمكة فبلغه أن الحسين قد توجه إلى العراق فلحقه على مسيرة ثلاث ليال فقال: أين تريد؟
قال: العراق، وأخرج له الكتب التي أرسلت من العراق يعلنون أنهم معه وقال: هذه كتبهم وبيعتهم.
قال ابن عمر: لا تأتهم، فأبى الحسين إلا أن يذهب.
فقال ابن عمر: إني محدثك حديثا، إن جبريل أتى النبي صلى الله عليه وسلم فخيره بين الدنيا والآخرة فاختار الآخرة ولم يرد الدنيا، وإنك بضعة منه، والله لا يليها أحد منكم أبدا، وما صرفها الله عنكم إلا للذي هو خير لكم، فأبى أن يرجع فاعتنقه عبد الله بن عمر وبكى وقال: « أستودعك الله من قتيل »
AL- SHA'ABIY YA CE:
IBNU UMAR (RA) YA KASANCE YANA MAKKA, SAI LABARI YA SAME SHI; HUSAINI (RA) YA NUFI IRAK'I, SAI YA RISKE SHI A HANYA BAYAN TAFIYAN KWANA 3, SAI YA CE: INA ZA KA JE?
SAI YA CE: IRAK'I. SAI YA FITAR MASA DA WASIK'U DA AKA AIKO MASA DAGA IRAK'I, SUNA SANAR DA SHI CEWA; SUNA TARE DA SHI. SAI YA CE: WA'DANNAN TAKARDUNSU NE TARE DA MUBAYA'ARSU.
SAI IBNU UMAR (RA) YA CE: KAR KA JE WAJENSU. SAI HUSAINI (RA) YA K'I, SAI YA JE.
SAI IBNU UMAR (RA) YA CE: ZAN GAYA MAKA WANI HADISI; LALLAI JIBRILU (AS) YA ZO WAJEN ANNABI (SAW), SAI YA BA SHI ZA'BIN DUNIYA DA LAHIRA, SAI YA ZA'BI LAHIRA BAI BUK'ACI DUNIYA BA. KAI KUMA TSOKA NE DAGA GARE SHI, NA RANTSE DA ALLAH, DUNIYA BA ZA TA RU'DI WANI DAGA CIKINKU BA HAR ABADA. LALLAI ALLAH BAI JUYAR DA ITA DAGA GAREKU BA, SAI DON SABODA ABIN DA YA FI TA ALHERI.
AMMA KAWAI SAI YA K'I. KAWAI SAI IBNU UMAR (RA) YA RUNGUME SHI YA FASHE DA KUKA. SAI YA CE:
''INA MAKA BANKWANA A WAJEN ALLAH NA WANDA ZA A KASHE SHI''.
DUBA AL- BIDAYA TA IBNU KASIR 8/ 162.
2- IBNU ZUBAIR (RA):
أين تذهب؟! تذهب إلى قوم قتلوا أباك وطعنوا أخاك. لا تذهب, فأبى الحسين إلا أن يخرج.
YA CE: INA ZAKA JE? ZAKA JE WAJEN MUTANEN DA SUKA KASHE BABANKA, SUKA SOKI 'DAN UWANKA. KAR KA JE!
KAWAI SAI YA K'I!
3- ABU SA'EED ALKUDRIY:
يا أبا عبد الله إني لك ناصح وإني عليكم مشفق، قد بلغني أنه قد كاتبكم قوم من شيعتكم بالكوفة يدعونك إلى الخروج إليهم فلا تخرج إليهم، فإني سمعت أباك يقول في الكوفة: والله لقد مللتهم وأبغضتهم وملوني وأبغضوني، وما يكون منهم وفاء قط، ومن فاز بهم فاز بالسهم الأخيب، والله ما لهم نيات ولا عزم على أمر ولا صبر على سيف.
YA CE: YA KAI BABAN ABDULLAHI, INA MAI MAKA NASIHA, INA MAI TAUSAYA MAKA. LABARI YA SAME NI; WASU MUTANE DAGA CIKIN MAGOYA BAYANKU DAGA KUFA SUN RUBUTO MAKA WASIK'U SUNA KIRANKA KA TAFI WAJENSU, LALLAI NA JI BABANKA YANA FA'DI GAME DA MUTANEN KUFA:
NA RANTSE DA ALLAH, NA GAJI DA SU, INA K'INSU. SU MA SUN GAJI DA NI SUNA K'INA. BA ZA SU TA'BA CIKA ALKAWARI BA. DUK WANDA SUKA ZAMA SU NE RABONSA, LALLAI YA SAMU RABO MARAS ALBARKA. NA RANTSE DA ALLAH, BA SU DA MANUFA, BA SU DA AZMA AKAN WANI LAMARI, BA SU IYA HAKURI A YAKI'.
NASIHOHIN BANU UMAYYA GA HUSAINI (RA) A LOKACIN DA YA SO TAFIYA IRAK'I:
1- KHALIFA YAZIDU 'DAN MU'AWIYA:
YAZIDU YA RUBUTA TAKARDA ZUWA GA IBNU ABBAS (RA) YANA BA SHI LABARIN SHIRIN HUSAINI (RA) NA FITA DAGA MAKKA ZUWA GA IRAK'I:
وأحسبه قد جاءه رجال من أهل المشرق فمنوه الخلافة وعندك منهم خبرة وتجربة فان كان قد فعل فقد قطع راسخ القرابة وأنت كبير أهل بيتك والمنظور إليه فاكففه عن السعى فى الفرقة.
YA CE: INA TSAMMANIN WASU MUTANEN GABASHI SUN ZO GARE SHI, SUN RU'DE SHI DA KHALIFANCI, KAI KUMA KANA DA MASANIYA GAME DA HALINSU, KANA DA K'WAREWA GAME DA SU, LALLAI IN YA YI HAKA TO YA YANKE DANGANTAKA MAI K'ARFI DAKE TSAKANINMU. KAI KUMA KAI NE BABBA A CIKIN BANU HASHIM, KUMA WANDA AKE HANGE, KA HANA SHI AIKATA RABA KAN AL'UMMA.
SA'ANNAN YA RUBUTA MASA WA'DANNAN BAITUKA, DA K'URAISHAWAN MAKKA DA MADINA:
يا أيها الراكب العادى مطيته ... على غدافرة فى سيرها فحم .
أبلغ قريشا على نأى المزار بها ... بينى وبين حسين الله والرحم.
HAR K'ARSHE.
2- GWAMNAN MAKKA; AMRU BIN SA'EED BIN ASS:
YA RUBUTA MA HUSAINI (RA) WASIK'A:
إنى أسأل الله أن يلهمك رشدك وأن يصرفك عما يرديك بلغنى أنك قد عزمت على الشخوص إلى العراق وإنى أعيذك الله من الشقاق فانك إن كنت خائفا فاقبل إلى فلك عندى الامان والبر والصلة.
YA CE: INA ROK'ON ALLAH DA YA SA SHIRIYA A ZUCIYARKA, KUMA YA KAWAR DA KAI DAGA ABIN DA ZAI HALAKAR DA KAI. LABARI YA SAME NI; KA YI NIYYAR FITA ZUWA IRAK'I, LALLAI INA NEMA MAKA TSARIN ALLAH DAGA SA'BANI. IDAN TSORO KA KE JI, TO KA TAFO WURINA, KANA DA AMINCI DA KYAUTATAWA DA ZUMUNCI.
DUBA AL- BIDAYA NA IBNU KASIR 8/ 164.
A BIMU A HANKALI, HAR ZUWA K'ARSHE, ZA A SHA MAMAKI; ANA TSAMMANIN WUTA A MAK'ERA SAI AKA SAMETA A MASAK'A.
No comments:
Post a Comment