BISMILLAHIR RAHMANIR RAHIM.
IBNU TAIMIYYA (R) YA CIGABA DA CEWA:
AMMA MAS'ALAR FIFITA TSAKANIN USMAN (RA) DA ALIYU (RA), WANNAN BAI KAI WACCAR BA. (FIFITA ABUBAKAR (RA) DA UMAR (RA). SABODA A WANNAN AN SAMU SA'BANI A KANTA. SABODA SUFYANU AL- THAURIY DA WASU MUTANEN KUFA, SUN RINJAYAR DA ALIYU (RA) A KAN USMAN (RA). SA'ANNAN DAGA BAYA, SAI SHI SUFYANUN YA DAWO DAGA WANNAN FAHIMTAR, SHI DA WANINSA. WANI DAGA CIKIN MALAMAN MADINA KUWA YA YI TARADDUDI (YA TSAYA) A FIFITAWA TSAKANIN USMAN (RA) DA ALIYU (RA). WANNAN 'DAYA NE DAGA CIKIN RUWAYOYI 2 DAGA IMAMU MALIK. SAI DAI 'DAYA RUWAYAR DAGA GARE SHI ITA CE; GABATAR DA USMAN (RA) A KAN ALIYU (RA), KAMAR YADDA WANNAN SHI NE MAZHABAR SAURAN A'IMMA; KAMAR AL- SHAFI'IY, ABU HANIFA, DA MABIYANSA, DA AHMAD 'DAN HANBAL DA MABIYANSA. DA WASU DABAN DAGA CIKIN IMAMAN MUSLUNCI. HAR SU WA'DANNAN MALAMAN SUN YI SA'BANI A KAN MAI GABATAR DA ALIYU (RA) A KAN USMAN (RA), SHIN ZA A K'IRGA SHI A CIKIN 'YAN BIDI'A??
AKWAI MAGANA GUDA 2 A KAN HAKAN, KUMA RUWAYOYI NE GUDA 2 DAGA AHMAD.
HAK'IK'A AYYUB AL- SUKHTAYANIY DA AHMAD, DA AL- DARAK'U'DNIY SUN CE:
من قدم عليا على عثمان فقد أزرى بالمهاجرين والأنصار .
DUK WANDA YA GABATAR DA ALIYU (RA) A KAN USMAN (RA) TO HAK'IK'A YA CI MUTUNCIN ALMUHAJIRUNA DA ANSAR.
SHI WANNAN AYYUBAN, IMAMIN AHLUS SUNNA NE, KUMA IMAMIN MUTANEN BASRA NE. IMAMU MALIK YA YI RUWAYA DAGA GARE SHI A CIKIN MAWA'D'DA.
MALIK 'DIN YA KASANCE BA YA RUWAITO HADISI DAGA MUTANEN IRAQI. AN RUWAITO CEWA; AN TAMBAYE SHI GAME DA AYYUB, SAI YA CE: BAN RUWAITO MUKU HADISI DAGA WANI DA YA FI AYYUB BA.
ABU HANIFA YA AMBACE SHI, YA CE: NA GAN SHI YA ZAUNA A WANI WAJEN ZAMA A MASALLACIN ANNABI (SAW), BA ZAN TUNA SHI BA SAI TSIKAR JIKINA YA TASHI.
HUJJA A KAN WANNAR MAGANA TA AYYUB, ITA CE ABIN BUKHARI DA MUSLIM DA WASUNSU SUKA RUWAITO:
{ عن ابن عمر أنه قال : كنا نفاضل على عهد رسول الله صلى الله عليه وسلم . كنا نقول أبو بكر ثم عمر ثم عثمان . وفي بعض الطرق يبلغ ذلك النبي صلى الله عليه وسلم فلا ينكره }
DAGA IBNU UMAR (RA) YA CE: MUN KASANCE MUNA FIFITA SAHABBAI A ZAMANIN ANNABI (SAW), MUKAN CE; ABUBAKAR, SAI UMAR, SAI USMAN.
A WASU HANYOYIN HADISIN; HAKAN YAKAN ISA GA ANNABI (SAW) AMMA BA YA INKARI.
KUMA YA TABBATA DA INGANTACCEN ISNADI, A SAHIHUL BUKHARI DA WANINSA:
AMIRUL MUMININA UMAR BIN KHA'D'DAB (RA) YA SANYA KHALIFANCI YA ZAMA SHAWARA (SHURA) A CIKIN MUTUM 6; USMAN, ALIYU, 'DALHA, ZUBAIR, SA'AD, ABDURRAHMAN 'DAN AUF. AMMA BAI SA DA SAEED BIN ZAID BA, - DUK DA CEWA; 'DAYA NE DAGA CIKIN MUTUM 10 DA AKA YI MUSU ALBISHIR DA ALJANNA - SABODA SHI 'DAN BANIY ADIYYI NE; K'ABILAR UMAR (RA). KUMA YA CE GAME DA 'DANSA ABDULLAHI, ZAI HALARCI SHAWARIN, AMMA SHI BA SHI DA RABO A MATSAYIN KHALIFA. SA'ANNAN KUMA YA YI WASIYYA; SUHAIB YANA YIN SALLAH WA MUTANE A BAYAN RASUWARSA, HAR SAI AN ZA'BI SHUGABA.
TO, A LOKACIN DA UMAR (RA) YA RASU, SAI MUTUM 6 NAN SUKA TARU A WAJEN MIMBARIN ANNABI (SAW). SAI 'DALHA YA CE: NA ZA'BI USMAN. SAI ZUBAIR YA CE: NA ZA'BI ALIYU. SAI SA'AD YA CE: NA ZA'BI ABDURRAHMAN 'DAN AUF. SAI MUTUM 3 SUKA FITA, 3 SUKA SAURA.
SAI SUKA TARU, SAI ABDURRAHMAN YA CE: 'DAYA DAGA CIKINMU YA FITO YA ZA'BI MUTUM 'DAYA KAWAI SHI KENAN. SAI USMAN DA ALIYU SUKA YI SHIRU. SAI ABDURRAHMAN YA CE: TO NI ZAN FITO.
AN RUWAITO CEWA; YA 'DAUKI ALKAWARI MA ALLAH, CEWA; ZAI ZA'BI MAFIFICI MAFI ADALCI A CIKINSU. SAI ABDURRAHMAN YA ZAUNA KWANA 3 YANA SHAWARTAN ALMUHAJIRUN DA ANSAR, DA TABI'AI, YANA SHAWARTAN MATAN ANNABI (SAW), KUMA YANA SHAWARTAN SARAKUNA GARURUWA - SABODA A LOKACIN SUN ZO MADINA, SUN ZO AIKIN HAJI TARE DA UMAR (RA), KUMA SUN HALARCI MUTUWARSA -. HAR ABDURRAHMAN BIN AUF YA CE:
KWANANA 3 BAN RIMTSA IDONA GA BACCI BA.
A RANA TA 3, SAI YA CE MA USMAN: KA 'DAUKI ALKAWARI MA ALLAH, IN NA ZA'BEKA ZA KA YI ADALCI, KUMA IN NA ZA'BI ALIYU ZA KA YI MASA 'DA'A??
SAI YA CE: NA'AM.
SAI YA CE MA ALIYU: KA 'DAUKI ALKAWARI MA ALLAH, IN NA ZA'BEKA ZA KA YI ADALCI, KUMA IN NA ZA'BI USMAN ZA KA YI MASA 'DA'A??
SAI YA CE: NA'AM.
SAI YA CE: LALLAI NA GA MUTANE BA SA BARIN USMAN. KAWAI SAI ALIYU DA ABDURRAHMAN DA SAURAN MUSULMI SUKA YI MASA MUBAYA'A; MUBAYA'AR YARDA DA ZA'BI, BA TARE DA WANI ABIN KWA'DAYI DA YA BA SU BA, KUMA BA TARE DA WANI TSORATARWA DA YA YI MUSU BA.
WANNAN IJMA'I NE NA DUKKAN MUTANE A WANNAN LOKACIN A KAN GABATAR DA USMAN A KAN ALIYU. WANNAN YA SA AYYUB DA AHMAD DA DARAQU'DNIY SUKA CE:
" من قدم عليا على عثمان فقد أزرى بالمهاجرين والأنصار "
DUK WANDA YA GABATAR DA ALIYU (RA) A KAN USMAN (RA) TO HAK'IK'A YA CI MUTUNCIN ALMUHAJIRUNA DA ANSAR.
SABODA IN USMAN BAI CANCANCI GABATARWA BA, TO SU SAHABBAN DA SUKA GABATAR DA SHI, SUN GABATAR DA SHI NE A SUN KASANCE JAHILAI, BA SU SAN FALALARSA BA, KO KUMA A SUN KASANCE AZZALUMAI, TA YADDA SUN GABATAR DA WANDA AKA FI SHI A KAN MAFIFICI, BA TARE DA WANI ABU DA ZAI RINJAYAR DA SHI NA ADDININ BA.
TO, DUK WANDA YA DANGANTASU (SAHABBAN) GA JAHILCI KO ZALUMCI, TO HAK'IK'A YA CI MUTUNCINSU.
DA WANI ZAI RAYA CEWA; SUN GABATAR DA USMAN NE SABODA WANI K'URJI DA YAKE CIKIN ZUCIYAR WASU DAGA CIKINSU GAME DA ALIYU, KUMA SU MASU JIN HAUSHIN NASA SU NE MASU FA'DA A JI, DA MAKAMANCIN WANNAN, NA IRIN ABIN DA MASU SON ZUCIYA ('YAN BIDI'A) SUKE FA'DA, TO HAK'IK'A YA DANGANTA SU GA GAZAWA WAJEN BA DA HAK'K'I, KUMA KENAN AZZALUMAI DAGA CIKINSU SUN CI NASARA A KAN MASU GASKIYA. ALHALI SUNA CIKIN HALI MAFI IZZA, KUMA MAFI K'ARFI.
SABODA A LOKACIN DA UMAR (RA) YA RASU, MUSULUNCI YA KASANCE YANA DA MATUK'AR K'ARFI DA IZZA DA 'DAUKAKA, DA HA'DUWAR AL'UMMA, DA HA'DIN KAI, WANDA BA SU TA'BA ZAMA KAMAR HAKA BA. SABODA UMAR (RA) YA KASANCE YA 'DAUKAKA MUMINAI, YA K'ASK'ANTAR DA KAFIRAI DA MUNAFUKAI, A MATAKIN DA YA KAI NA K'ARFI DA 'DAUKAKA YA KAI MATSAYIN DA BA ZAI TA'BA 'BUYA GA MUTUM KOMIN K'ARANCIN SANINSA BA.
TO, A IRIN WANNAN MATSAYI, DUK WANDA YA SANYASU A MATSAYIN JAHILAI KO AZZALUMAI, KO WA'DANDA SUKA GAZA WAJEN TSAYAR DA GASKIYA, HAK'IK'A YA CI MUTUNCINSU. KUMA YA SANYA MAFIFICIYAR AL'UMMA WACCE AKA FITAR DA ITA WA MUTANE, A BISA SA'BANIN SHAIDAR DA ALLAH YA YI MUSU.
WANNAN KUWA SHI NE ASALIN ''MAZHABAR RAFIDA 'YAN SHI'A'', SABODA WANDA YA K'IRK'IRI RAFIDANCI YA KASANCE MUTUM NE BAYAHUDE, SAI YA BAYYANA MUSULUNCI, ALHALI MUNAFIKI NE. YA YI DASISAN ABUBUWA MASU YAWA WA JAHILAI, ABUBUWAN DA SUKE SUKAN ASALIN MUSLUNCI. SABODA HAKA NE RAFIDANCI YA ZAMA BABBAR K'OFA TA MUNAFUNCI DA ZINDIK'ANCI. SABODA FARKO MUTUM ZAI ZAMA MAI TARADDUDI NE (A GABATAR DA USMAN A KAN ALIYU), SAI YA ZAMA MAI GABATAR DA ALIYU A KAN USMAN, SAI KUMA YA ZAMA MAI ZAGIN USMAN DA SAURAN SAHABBAI. SAI KUMA YA ZAMA GULAT; MAI ALLANTAR DA ALIYU, SAI KUMA YA ZAMA MAI MUSA ALLAH, DA KORE SAMUWARSA. (WANNAN SHI YAKE NUNA MANA CEWA; SHI'A NE MAFARIN HALAKA, HAR MUTUM YA ZAMA MUNAFIKI ZINDIK'I).
SABODA HAKA NE, SHUGABANNIN ZINDIK'AI SUKE HA'DEWA DA RAFIDA 'YAN SHI'A WATO; 'YAN ISMA'ILIYYA, DA NUSAIRIYYA, DA NAU'O'INSU NA K'ARAMI'DA DA BA'DINIYYA, DA DURUUZ DA MAKAMANTANSU NA K'UNGIYOYIN ZINDIK'ANCI DA MUNAFUNCI.
SABODA SUKA (AIBANTAWA) GA MAFIFICIN K'ARNI, WA'DANDA SUKA YI TARAYYA DA MANZON ALLAH (SAW) SUKA NE GA MANZON ALLAHN (SAW). KAMAR YADDA IMAMU MALIK DA WANINSA DAGA CIKIN JAGORORIN ILMI SUKA CE:
هؤلاء طعنوا في أصحاب رسول الله صلى الله عليه وسلم إنما طعنوا في أصحابه ليقول القائل : رجل سوء كان له أصحاب سوء ولو كان رجلا صالحا لكان أصحابه صالحين .
WA'DANNAN SUN SOKI SAHABBAN MANZON ALLAH (SAW), KAWAI SUN SOKESU NE DON WANI YA CE: MUTUMIN BANZA NE, MAI ABOKAI MUTANEN BANZA. DA SHI MUTUMIN KIRKI NE DA ABOKANSA SUN ZAMA MUTANEN KIRKI.
KUMA SU WA'DANNAN (SAHABBAI) WA'DANDA SUKA RUWAITO MANA ALK'UR'ANI, DA MUSLUNCI DA SHARI'AR ANNABI (SAW), KUMA SU NE SUKA RUWAITO FALALOLIN ALIYU (RA) DA MA NA WANINSA. DON HAKA SUKANSU ZAI WAJABTA RASHIN AMINTA DA ABIN DA SUKA RUWAITO NA ADDINI. DON HAKA, BABU WATA FALALA DA ZA TA TABBATA MA WANI, ALIYU NE KO WANINSA.
SU RAFIDA 'YAN SHI'A JAHILAI NE, BA SU DA HUJJA TA HANKALI, KO NA RUWAYA, BA SU DA ADDINI, BA SU DA DUNIYA MAI NASARA. SABODA DA NASIBI; - MAK'IYIN ALIYU, KUMA YANA GANIN SHI FASIK'I NE KO KUMA KAFIRI, KAMAR KHWARIJAWA DA WASUNSU - ZAI NEMI SU TABBATAR MASA DA IMANIN ALIYU (RA) DA FALALOLINSA, BA ZA SU IYA BA, A BISA WANNAN K'A'IDA TASU. (TA ZAGIN SAHABBAI, SABODA HADISAN FALALOLIN NASA DUKA SAHABBAN DA SUKE ZAGIN NE SUKA RUWAITOSU), SAI KWARIJAWAN SUN YI GALBA DA HUJJA A KANSU.
SABODA AI FALALOLIN ALIYUN (RA) SAHABBAN DA RAFIDA 'YAN SHI'A SUKE ZAGIN NASU NE SUKA RUWAITOSU. DON HAKA BA ZA A SAMU TABBATAR WATA FALALARSA SANANNIYA 'DAYA BA, A BISA K'A'IDARSU.
IDAN SUN AIBANTA WASU DAGA CIKIN KHALIFOFI - DA K'ARERAYIN DA SUKE YI; WAI- SUN NEMI SHUGABANCI, HAR SUN YI YAK'I A KAN HAKAN - TO DA IRINSA KHAWARIJAWA SUKE SUKAN ALIYU (RA), DA MA NINKINSA, ALIYUN YA KASANCE YA FI KUSA DA WANNAR DA'AWAR A KAN WANDA AKA YI MASA BIYAYYA BA TARE DA YAK'I BA. AMMA SAI DAI SU RAFIDA 'YAN SHI'A JAHILAI NE, MASU BIN ZINDIK'AI.
ALK'UR'ANI YA YABI SAHABBAI A WURARE DA YAWA. KAMAR FA'DIN ALLAH:
{والسابقون الأولون من المهاجرين والأنصار والذين اتبعوهم بإحسان رضي الله عنهم ورضوا عنه}
WA'DANDA SUKA RIGA YIN IMANI NA FARKO DAGA ALMUHAJIRUN DA ANSAR DA WA'DANDA SUKA BI SU DA KYAUTATAWA, ALLAH YA YARDA DA SU, KUMA SUN YARDA DA SHI.
KUMA DU YA CE:
{لا يستوي منكم من أنفق من قبل الفتح وقاتل أولئك أعظم درجة من الذين أنفقوا من بعد وقاتلوا وكلا وعد الله الحسنى}
WANDA YA CIYAR KAFIN FATAHI (SULHUL HUDAIBIYYA) A CIKINKU, KUMA YA YI YAK'I, BA ZAI DAIDAITA DA WANINSA BA, SU NE MAFI GIRMAN DARAJA, A KAN WA'DANDA SUKA CIYAR DAGA BAYA, KUMA SUKA YI YAK'I. AMMA DUKA ALLAH YA TANADA MUSU ALJANNA.
KUMA DU YA CE:
{ محمد رسول الله والذين معه أشداء على الكفار رحماء بينهم تراهم ركعا سجدا يبتغون فضلا من الله ورضوانا سيماهم في وجوههم من أثر السجود ذلك مثلهم في التوراة ومثلهم في الإنجيل كزرع أخرج شطأه فآزره فاستغلظ فاستوى على سوقه يعجب الزراع ليغيظ بهم الكفار }
MUHAMMADU MANZON ALLAH NE, WA'DANDA SUKE TARE DA SHI, SUNA DA TSANANI A KAN KAFIRAI, KUMA SUNA TAUSAYI A TSAKANINSU, ZA KA GANSU SUNA HALIN RUKU'I DA SUJADA, SUNA NEMAN FALALA DA YARDA A WAJEN ALLAH. ALAMARSU; A FISKOKINSU AKWAI GURBIN SUJADA, WANNAN SHI NE MISALINSU A CIKIN ATTAURA. AMMA MISALINSU A INJILA, KAMAR SHUKA NE DA TA FITAR DA K'ANANAN KARANSA SAI YA K'ARFAFE SHI, YA YI KAURI, SAI YA CIKA YA TSAYA A KAN SANDANSA, YANA BA DA MAMAKI WA MANOMA, DON KAFIRAI SU JI HAUSHINSU.
KUMA YA CE:
{لقد رضي الله عن المؤمنين إذ يبايعونك تحت الشجرة فعلم ما في قلوبهم فأنزل السكينة عليهم وأثابهم فتحا قريبا}
HAK'IK'A ALLAH YA YARDA DA MUMINAI, A YAYIN DA SUKE YI MAKA MUBAYA'A A K'ARK'ASHIN BISHIYA, SAI ALLAH YA SAN ABIN DA KE CIKIN ZUKATANSU, SAI YA SAUK'AR DA NITSUWA GARESU, KUMA YA YI MUSU SAKAMAKO DA BU'DI NA KUSA.
KUMA YA TABBATA A CIKIN SAHIHU MUSLIM, DAGA ANNABI (SAW) YA CE:
{ لا يدخل النار أحد بايع تحت الشجرة }
BABU MUTUM 'DAYA DA YA YI MUBAYA'A A K'ARK'ASHIN BISHIYA DA ZAI SHIGA WUTA.
DAGA ABU SAEED, LALLAI ANNABI (SAW) YA CE:
{ لا تسبوا أصحابي فوالذي نفسي بيده لو أن أحدكم أنفق مثل أحد ذهبا ما بلغ مد أحدهم ولا نصيفه }
KAR KU ZAGI SAHABBAINA, NA RANTSE DA WANDA RAINA YAKE HANUNSA; DA 'DAYANKU ZAI CIYAR DA ZINARI KAMAR DUTSEN UHUDU, BA ZAI KAI MUDU 'DAYA NA 'DAYANSU BA, KAI KO RABINSA BA ZAI KAI BA.
YA TABBATA A INGANTACCEN HADISI, TA FISKOKI FIYE DA 'DAYA:
{ خير القرون القرن الذي بعثت فيهم ثم الذين يلونهم ثم الذين يلونهم }
MAFIFICIN K'ARNI SHI NE WANDA AKA AIKONI A CIKINSU, SAI WA'DANDA SUKE BIYE DA SU, SAI WA'DANDA SUKE BIYE DA SU.
WA'DANNAN HADISAN SUNA DA YAWA, KAI MUTAWATIRAI NE, NA FALALOLIN SAHABBAI DA YI MUSU YABO, DA KUMA FIFITA K'ARNINSU A KAN K'ARNONIN DA SUKA ZO A BAYANSU. SUKANSU, SUKA NE GA ALK'UR'ANI DA HADISAI. WANNAN NE YA SA WASU MUTANE SUKA YI MAGANA GAME DA KAFIRTA RAFIDA 'YAN SHI'A, MUN YI BAYANIN HAKA A WANI WAJEN DABAN..
ALLAH MAI TSARKI MA'DAUKAKI SHI NE MAFI SANI.
DUBA MAJMU'UL FATAWA 4/ 425 - 430.
A WANNAN BAYANIN ZA MU FAHIMCI CEWA; USMAN (RA) YA FI ALIYU (RA) FALALA. DON HAKA MAFIFICI A CIKIN WANNAR AL'UMMA, BAYAN ANNABINTA (SAW), SHI NE ABUBAKAR (RA), SAI UMAR (RA), SAI USMAN (RA), SAI ALIYU (RA). WA'DANNAN GUDA 4 SU NE A DARAJA TA FARKO A CIKIN SAHABBAN ANNABI (SAW). SU KUMA SAHABBAN ANNABI (SAW) SU NE MAFIFITAN WANNAR AL'UMMA, WACCE TAKE MAFIFICIYAR DUKKAN AL'UMMOMI.
ALLAH YA SA MU DACE!!
No comments:
Post a Comment