BISMILLAHIR RAHMANIR RAHIM.
IBNU TAIMIYYA (R) YA CIGABA DA CEWA:
AMMA FA'DINSA (SAW) A RANAR GHADEER KHUM:
((أذكركم بالله في أهل بيتي))
INA TUNA MUKU ALLAH GAME DA IYALAN GIDANA.
WANNAN HADISI NE DA MUSLIM YA RUWAITO SHI. KUMA WANNAN BA YA DAGA CIKIN KE'BANTATTUN FALALOLIN ALIYU (RA). A'A, ALIYUN YANA DADAI DA DUKKAN AHLUL BAITI A CIKINSA; ALIYU DA JA'AFAR DA AK'ILU DA ALU ABBAS.
KUMA RAFIDA 'YAN SHI'A SU SUKA FI KOWA NISANTAR WANNAR WASIYYA TA MANZON ALLAH (SAW). A SABODA RASHIN ALHERINSU (SHU'UMCI) YA SA SUKE GABA DA ABBAS (RA) DA ZURRIYYARSA. KAI, SUNA MA GABA DA MAFI YAWAN AHLIN GIDAN ANNABI (SAW). KUMA HAR SUNA TAIMAKA WA KAFIRAI A KANSU. KAMAR YADDA SUKA TAIMAKI (TATAR) A KAN KHALIFOFIN BANUL ABBAS. (KHALIFOFIN DAULAR ABBASIYYA).
RAFIDA SUN KASANCE SUNA TAIMAKON KAFIRAI, SUNA KUMA GABA DA AHLUL BAITI. AMMA SU AHLUS SUNNA SUN SAN HAK'K'OK'IN AHLUL BAITI, KUMA SUNA SONSU SUNA JI'BINTARSU, KUMA SUNA LA'ANTAR DUK MAI TSAYAR MUSU GABA DA K'IYAYYA.
AYAR MUBAHALA:
AMMA AYAR MUBAHALA KUWA, ITA MA BA TA CIKIN KE'BANTATTUN FALALOLIN ALIYU (RA), KAI, ANNABI (SAW) YA KIRA ALIYU (RA) DA FATIMA (RA) DA HASAN DA HUSAINI. KAMAR YADDA MUSLIM YA RUWAITO. KIRANSU DA YA YI BAI KASANCE SABODA SU NE MAFIFITA A CIKIN AL'UMMARSA BA. KAWAI SABODA SU NE KE'BANTATTUN AHLIN GIDANSA NE. KAMAR YADDA MUSLIM YA RUWAITO DAGA A'ISHA (RA); ANNABI (SAW) YA BA DA ZAKKAN ALIYU DA FATIMA DA HASAN DA HUSAINI. SAI YA CE:
(اللهم هؤلاء أهل بيتي فأذهب عنهم الرجس وطهرهم تطهيرا))
YA ALLAH WA'DANNAN SU NE AHLIN GIDANA, KA TAFIYAR DA NAJASA DAGA GARESU, KUMA KA TSARKAKESU MATUK'AR TSARKAKEWA.
SAI ANNABI (SAW) YA YI MUSU ADDU'A YA KE'BANCESU DA ITA.
YAYIN DA MUBAHALA TA KASANCE ANA YINTA NE DA MATA DA 'YA'YA DA KAWUKA, SAI YA KIRA WA'DANNAN.
SA'ANNAN LAFAZIN ''ANFUS'' (الأنفس) ANA AMFANI DA SHI A NAU'I GUDA 'DAYA NE. KAMAR YADDA ALLAH YA CE:
{ لولا إذ سمعتموه ظنّ المؤمنون والمؤمنت بأنفسهم خيرا }
YANA NUFIN GABA 'DAYANSU.
DA FA'DINSA:
{ فتوبوا إلى بارئكم فاقتلوا أنفسكم }
AI SASHENKU YA KASHE SASHE.
WANNAN KAMAR FA'DINSA NE (SAW):
((أنت مني وأنا منك))
KAI DAGA GARENI KAKE, NI MA DAGA GAREKA NAKE.
BA A NUFIN SHI DAGA ZATIN ANNABI (SAW) YAKE BA.
LALLAI BABU SHAKKA MAFI GIRMAN MATSAYI A WAJEN ANNABI (SAW) DAGA CIKIN DANGINSA SHI NE ALIYU (RA), YA YI FICE DA DANGANTAKARSA DA ANNABI (SAW) DA KUMA YIN IMANIN DA BA ZA A SAMU IRINSA A SAURAN DANGIN ANNABI (SAW) DA SAHABBAI BA. DON HAKA SAI YA SHIGA CIKIN MUBAHALAR. AMMA HAKAN BA YA HANA A SAMU WANDA BA DANGIN ANNABI (SAW) BA, DA YA ZAMA YA FI ALIYU (RA) FALALA. SABODA MUBAHALAR TA KASANCE DA DANGINSA (SAW) NE, DON HAKA NE BAI YITA DA ABUBAKAR KO UMAR KO USMAN (RA) DA MAKAMANTANSU BA.
AMMA FA'DINSA:
{ هذان خصمانِ اختصموا في ربهم }
WA'DANNAN MASU HUSUMA GUDA 2 NE, WA'DANDA SUKA YI HUSUMA GAME DA UBANGIJINSU.
YA ZO A CIKIN BUKHARI DAGA ABU ZARR (RA) CEWA; AYAR TA SAUK'A NE GAME DA MASU HUSUMA GUDA 2 A RANAR BADAR.
FARKON WA'DANDA SUKA YI FITO - NA - FITO DAGA MUMINAI SU NE: ALIYU DA HAMZA DA UBAIDA 'DAN HARIS (RA), SUN KARA DA UTBA DA SHAIBAH DA WALID 'DAN UTBA. DON HAKA ITA MA WANNAR FALALAR A HA'DE TAKE A TSAKANIN ALIYU DA HAMZA DA UBAIDA 'DAN HARIS (RA) -(WANNAR BA FALALA CE DA ALIYU (RA) YA KE'BANTA DA ITA BA) - KAI, SAURAN 'YAN BADAR MA ZA SU YI TARAYYA DA SU A CIKIN WANNAR HUSUMA.
A 'DAUKA CEWA; TA SAUK'A NE GAME DA WA'DANNAN MUTUM 6 MASU FITO - NA - FITO, TO AYAR BA TA NUNI A KAN CEWA; SU (GUDA 3) SU SUKA FI KOWA FALALA. SABODA ANNABI (SAW) DA HASAN DA HUSAINI DA ABUBAKAR DA UMAR DA USMAN DA MA WASUNSU, SUN FI UBAIDA BINIL HARIS FALALA A BISA ITTIFAK'IN AHLUS SUNNA.
DON HAKA WANNAN WANI ABIN KIRKI NE DA FALALA GARESU, AMMA BA TA DAGA CIKIN KE'BANTATTUN FALALOLIN (KHASWA'IS) DA SUKE SA MUTUM YA ZAMA YA FI KOWA.
SURATU HALATE:
سورة { هل أتى }
AMMA SURAR HALATE KUWA, DA KUMA WANDA YAKE CEWA; -WAI- TA SAUK'A NE A LOKACIN DA ALIYU (RA) YA YI SADAKA WA MISKINI DA MARAYA DA FURSUNA (KAMAMMEN YAK'I), KUMA SUNA AMBATON CEWA; HAKAN YA FARU NE A LOKACIN DA FATIMA (RA) TA YI SADAKA DA ABINCIN HASAN DA HUSAINI.
LALLAI WANNAN K'ARYA NE. SABODA SURAR HALATE MAKKIYA CE ( A MAKKA TA SAUK'A), BISA IJMA'IN MALAMAI. KUMA HASAN DA HUSAINI AN HAIFESU NE A MADINA A BAYAN YAK'IN BADAR, BISA ITTIFAK'IN MALAMAI.
IN AN 'DAUKA LABARIN YA INGANTA, WANNAN BA YA NUNI A KAN WANDA YA CIYAR DA MISKINI DA MARAYA DA FURSUNAN YAK'I YA ZAMA SHI NE MAFIFICIN AL'UMMA GABA 'DAYA, KUMA MAFIFICIN SAHABBAI. KAI, WANNAR AYAR GAMAMMIYA CE, TA HA'DA DUKKAN WANDA YA AIKATA WANNAN AIKI. TANA NUNI A KAN CANCANTARSA GA SAKAMAKON ALLAH A KAN WANNAN AIKI, DA MA WANINSA, KAMAR IMANI DA ALLAH DA SALLAH A KAN LOKACINTA DA JIHADI SABODA ALLAH WA'DANDA SUN FI WANCAN AIKIN BISA IJMA'IN MALAMAI.
WANNAN SHI NE AMSAR WA'DANNAN MAS'ALOLI, ALLAH NE MAFI SANI.
KA SANI; DUK WANI ABIN DA AKE ZATON AKWAI DALILI A CIKINSA NA FIFITA WANI A KAN ABUBAKAR (RA), IMMA YA ZAMA K'ARYA AKA YI WA ANNABI (SAW), KO KUMA YA ZAMA LAFAZI NE MAI 'DAUKAR MA'ANONI DA YAWA, WANDA BABU DALILI A CIKINSA A KAN HAKAN. AMMA NASSOSHIN DA SUKA ZO NA FIFITA ABUBAKAR (RA) A FILI SUKE, TARE DA WASU DALILAN DAGA ALK'UR'ANI DA IJMA'I DA KUMA DALILIN HANKALI DA K'IYASI.
WALLAHU A'ALAM.
ALLAH YA SA MU DACE.
No comments:
Post a Comment